Նոր քամիներ. տարածաշրջանում աշխարհաքաղաքական դեկորացիաներն սկսել են զգալիորեն փոփոխվել

regnum.ru-ն «Լավրովի այցը Երևան դատապարտված էր լինել հաջողված» վերնագրով հոդվածում գրում է, որ ավարտվել է Ռուսաստանի արտգործնախարար Սերգեյ Լավրովի պաշտոնական այցը Հայաստան: 

Սա իշխանափոխությունից հետո նման մակարդակի նրա առաջին այցն էր Երևան, որն էլ կանխորոշել է որոշակի առանձնահատկություններ: 

Մոսկվան սպասել և հետևել է Հայաստանի վարչապետ Նիկոլ Փաշինյանի արտաքին քաղաքական վայրիվերումներին, որոնք ակնարկում էին եթե ոչ արտաքին քաղաքականության հնարավոր փոփոխություն, ապա գոնե որոշակի շտկումներ Ռուսաստանի ուղղությամբ: 

Այդ իսկ պատճառով Մոսկվայի և Երևանի միջև հիմնական քաղաքական շփումները տեղի են ունեցել հայկական տարածքից դուրս: 

Միևնույն ժամանակ, Լավրովը ժամանակին չի շրջանցել Փաշինյանի ներքին քաղաքականության որոշ գործողություններ և քննադատել է դրանք, մանավանդ Հայաստանի երկրորդ նախագահ Ռոբերտ Քոչարյանին կալանավորելուց հետո, ինչը, ըստ նրա, «չի ամրապնդում ազգային համաձայնությունը», իսկ ԱՊՀ-ում «խանգարում է այն կազմակերպությունների բնականոն աշխատանքին, որոնց Հայաստանը մասնակցում է»: 

Ելույթ ունենալով «Վալդայ» ակումբում՝ Ռուսաստանի արտգործնախարարը հայտարարել էր, որ «Ղարաբաղը Հայաստան է» կարգախոսը չի օգնում հակամարտությունը լուծելու բանակցային գործընթացին, և ևս մեկ անգամ հիշեցրել է. 

«Ռուսները, որպես համանախագահներ, աշխատում ենք ամերիկացիների և ֆրանսիացիների հետ համատեղ, և փառք Աստծո, քանի որ սա, հավանաբար, այն եզակի իրավիճակներից է, երբ բոլորը ունեն լիովին միասնական տեսլական ու համապատասխան հիմնական փաստաթղթեր, և ցանկություն չկա դրանք վերանայել, այլ պետք է, հիմնվելով բազմիցս քննարկված այդ հիմնական սկզբունքների վրա, ուղիղ երկխոսության միջոցով լուծում գտնել»: 

Այս ամենի պատճառով, երբ լուրեր տարածվեցին Լավրովի՝ Հայաստան այցի մասին, շատ փորձագետներ զգուշորեն էին կանխատեսում դրա արդյունքները: 

Բայց եղավ անսպասելի առաջընթաց, որը տեղի ունեցավ Ռուսաստանի պաշտպանության նախարար Սերգեյ Շոյգուի այցից հետո, երբ կողմերը նախանշեցին երկու երկրների միջև ռազմական և ռազմատեխնիկական համագործակցության զարգացման, ինչպես նաև ՀԱՊԿ-ի ամրապնդման ուղղությամբ համատեղ աշխատանքների իրենց պլանները: 

Այնուամենայնիվ, ամենագլխավորն այն էր, որ հայտարարվեց «Գյումրիում տեղակայված ռուսական ռազմակայանի հզորության և մարտական ներուժի գրեթե կրկնապատկման մասին»: 

Հաշվի առնելով այն փաստը, որ Հայաստանում որոշակի քաղաքական ուժեր բարձրացնում են ռուսական ռազմակայանի փակման հարցը՝ այդ հայտարարությունը անհնար կլիներ անել առանց Հայաստանի բարձրաստիճան ղեկավարության համաձայնության: 

Այսինքն, ակնհայտ է դառնում, որ Փաշինյանի թիմը որոշել է արտաքին քաղաքական իր հիմնական առաջնահերթությունը, և Լավրովի երևանյան այցը պարզապես դատապարտված էր լինել հաջողված: Եվ այդպես էլ եղավ: 

Այդ եզրակացությանը կարելի է հանգել, եթե գնահատենք Ռուսաստանի Դաշնության արտգործնախարարի բանակցությունների արդյունքները Հայաստանի նախագահ Արմեն Սարգսյանի, վարչապետ Նիկոլ Փաշինյանի, ինչպես նաև արտգործնախարար Զոհրաբ Մնացականյանի հետ: 

Հանդիպումները եղել են բազմաբնույթ, անդրադարձ է եղել երկկողմ համագործակցությանը, արտաքին քաղաքականության համագործակցության հարցերին ԵԱՏՄ, ՀԱՊԿ և ԱՊՀ շրջանակներում, ինչպես նաև ՄԱԿ-ում, ԵԱՀԿ-ում, ԵԽ-ում և միջազգային այլ կառույցներում դիրքորոշումների համակարգմանը: 

Ընդհանուր գումարելին հետևյալն է. Մոսկվան նախանշել է ռազմավարական գործընկերոջ հետ ոչ միայն անվտանգության ոլորտում, այլ նաև առևտրատնտեսական այլ ուղղությունները զարգացնելու իր շարունակական հետաքրքրությունը, և այդ ուղղություններում պետք է ակնկալել «անսպասելի շրջադարձեր»: 

Ըստ Լավրովի, «Երևանը լուծում է կայուն սոցիալտնտեսական զարգացում ապահովելու լայնածավալ առաջադրանք», և «Ռուսաստանը միշտ պատրաստ է լինել Հայաստանի կողքին, օգնել և ուսը դեմ տալ»: 

Այդ համատեքստում Լավրովի հետ հանդիպման ընթացքում Փաշինյանի ասած խոսքերը սկսում են հատուկ երանգներ ձեռք բերել. 

«Կարծում եմ, որ մեր հարաբերություններում կա նոր դինամիկա: 

Վերջերս մենք հասանք համաձայնության, որի համաձայն, իմ պաշտոնական այցը Ռուսաստան տեղի կունենա հաջորդ տարի, որին կհետևի Ռուսաստանի նախագահի պաշտոնական այցը Հայաստան»: 

Պետք է ենթադրել, որ Լավրովի՝ Երևանում գտնվելու ժամանակ հենց ստեղծված դրական քաղաքական մթնոլորտն էր կանխորոշել նրա անսովոր շատախոսությունը: 

Նա ասել է, որ ռուսաստանցի մասնագետների՝ Հայաստանի կենսաբանական լաբորատորիաներ մուտք գործելու վերաբերյալ հուշագրի շուրջ բանակցություններն ավարտվել են, և մոտ ժամանակներս տեղի կունենա փաստաթղթի ստորագրումը: 

Լավրովը նաև նշել է, որ «որպես ամբողջություն՝ Սիրիայում և Մերձավոր Արևելքում քրիստոնյաներին օգնություն ցուցաբերելը Ռուսաստանի և Հայաստանի ընդհանուր մտահոգությունն է», որը, հաշվի առնելով հայ բժիշկների և սակրավորների մասնակցությունը Սիրիայում, որպես Ռուսաստանի զինուժի մաս, նոր նոտա է Լավրովի աշխարհաքաղաքական հայտարարությունների լայն համատեքստում: 

Ինչ վերաբերում է ղարաբաղյան հիմնախնդրի լուծման հեռանկարներին, ապա Ռուսաստանի արտգործնախարարը անսպասելիորեն համաձայնել է Փաշինյանի այն հայտարարության հետ, որ «հակամարտության լուծումը պետք է ընդունելի լինի Երևանի, Ստեփանակերտի և Բաքվի համար», և ինքը դեմ չէ բանակցային գործընթացին Լեռնային Ղարաբաղի մասնակցությանը, բայց դա պետք է որոշեն «կողմերն իրենք»: 

Լավրովը հարկ է համարել հիշեցնել, որ «հրադադարից հետո Լեռնային Ղարաբաղի խնդրի կարգավորման վերաբերյալ խորհրդակցությունների և հետագա բանակցությունների վաղ փուլում Լեռնային Ղարաբաղը եղել է համապատասխան համաձայնագրերի և հարակից բանակցությունների կողմ»: 

Մի խոսքով, նոր, թարմ քաղաքական քամիները սկսել են Մոսկվայից փչել Երևանի ուղղությամբ և Երևանից դեպի Մոսկվա: 

Տարածաշրջանում աշխարհաքաղաքական դեկորացիաներն սկսել են զգալիորեն փոփոխվել:

Կամո Խաչիկյան

Անցած շաբաթ հակառակորդը հրադադարի պահպանման ռեժիմը խախտել է շուրջ 140 անգամ Մարինա Կառոնի. Պակասել է հացն աշխարհի... (Շաբաթօրյա ընթերցումներ «Փաստ» օրաթերթից) Մարմնի 90 տոկոս այրվածքներով Այրվածքաբանության կենտրոն է տեղափոխվել միջին տարիքի մի տղամարդ Օֆելի Քոչարյան. Հեղափոխական տոնածառը (Շաբաթօրյա ընթերցումներ «Փաստ» օրաթերթից) ՊԵԿ-ը հորդորում է սեղմ ժամկետներում իրականացնել մեքենաների մաքսային ձևակերպումը Մի քանի հարց մեր իշխանություններին. Շարմազանով Սահ­մա­նա­փա­կու­մը՝ առայժմ Ռու­սաս­տա­նի մի նահանգում «Արաբկիր» ԲԿ-ում երեխայի ծնողը գլխով հարվածել է բաժանմունքի վարիչներից մեկի դեմքին «Սա­հա­կյանց» ստու­դի­ա­յի պատ­մու­թյու­նը «վար­կա­բե­կիչ ապա­ցույց­ներ» հայ­թայ­թե­լու պատ­մու­թյուն­նե­րի շար­քից է Անդրանիկ Քոչարյանը փոխանցել է, որ լքեմ երկիրը, որովհետեւ Նիկոլը հրաման է տվել, որ ինձ բռնեն. Ռուբեն Հայրապետյան ՊԱՏՄՈՒԹՅԱՆ ԱՅՍ ՕՐԸ (14 ԴԵԿՏԵՄԲԵՐԻ). Հա­յաս­տա­նում բաց­վել է առա­ջին բա­ցօ­թյա սա­հա­դաշ­տը ԱՄՆ Սե­նա­տի կող­մից Հա­յոց ցե­ղաս­պա­նու­թյու­նը ճա­նա­չող բա­նա­ձևի ըն­դու­նու­մը ճա­նա­պարհ է բա­ցում. «Փաստ» Օրվա խորհուրդը Կոռուպցիոն ռիսկերն այսօր էլ առկա են. «Փաստ» Ապարան-Քուչակ եւ Սեւան-Ծաղկունք ավտոճանապարհներին մեքենաներ են մնացել ձյան մեջ «Հա­յաս­տա­նում բո­լոր աս­պա­րեզ­նե­րում պրո­ֆե­սի­ո­նա­լիզ­մին պա­տե­րազմ է հայ­տա­րար­ված. ջար­դում են պե­տու­թյու­նը». «Փաստ» Մեղավորների փնտրտուք. ովքե՞ր են հաջորդները. «Փաստ» Kia-ն գրանցել է նոր լոգոտիպ Մեկ կրա­կո­ցով եր­կու նա­պաս­տակ. «կա­ռա­վար­ման հա­մա­կար­գի դի­մադ­րու­թյան» պատ­ճառ­նե­րը. «Փաստ» Երբ փորձ է արվում ոչնչից ստեղծել «աննախադեպություն». «Փաստ»
Հայտնի են 2019թ․-ի ամենասկանդալային աստղերի անունները «Երբևէ նման զգացողություն չէի ունեցել, երբևէ այսքան հուզված, լարված ու…. մի խոսքով՝ շոկային էր»․ Անահիտ Կիրակոսյան․ ՏԵՍԱ... Մարիամ Ալեքսանյանի շքեղ տոնածառն ու տոնական յուրահատուկ կերպարը (լուսանկարներ) Մեր սիրելի հեքիաթների օրիգինալ տարբերակները, որոնցից մարմնովդ դող է անցնում Քլոե Քարդաշյանի այս տարվա տոնածառը գերազանցում է քրոջ նախորդ տարվա տոնածառի շքեղությանը Անսպասելի է․ Լիլիթ Հավհաննիսյանը միանգամից շատ կարճ կտրել է մազերը (լուսանկարներ) Ինչպես պահպանել կանաչու թարմությունը երկար ժամանակ, որպեսզի ամեն օր կարիք չլինի նորը գնելու Կենդանակերպի 6 նշաններ, որոնց իրական հրաշք է սպասում 2020 Ամանորյա գիշերը Ֆաբերժեի ձվերը՝ կայսերական պատվերների գլուխգործոցներ Էմմին ցույց է տվել իրենց տան հսկայական շքեղ տոնածառը (լուսանկար)
website by Sargssyan