Այս իշխանությունը պատերազմ է հայտարարել ազգայինին․ ՀՅԴ ԳՄ անդամ

Ներկա իշխանությունը ցույց է տալիս իր ռեպրեսիվ վարքագիծը՝ ամեն անգամ փորձելով դիմել իրենց ոչ հաճո քաղաքական ուժին, անհատին լռեցնելու ռեպրեսիվ մեթոդների: Այս մասին այսօր՝ նոյեմբերի 11-ին, լրագրողների հետ զրույցում ասաց ՀՅԴ ԳՄ անդամ Լիլիթ Գալստյանը։

Գալստյանի խոսքով՝ ՀՅԴ երիտասարդական միության անդամների դիմումը ՀՀ դատախազությանն ու ԿԳՄՍ նախարարությանը անպատասխան է մնալու ․ «Ես վստահ եմ, որ չի էլ լինելու պատասխան»։

Լիլիթ Գալստյանի կարծիքով՝ ԿԳՄՍ նախարարության քայլերը պատահական չեն․ «Սրանք մեր ինքնությունը, ոգին թուլացնելու ծրագրեր են։ Շատ ավելի վատ է ԿԳՄՍՆ-ի համար, եթե ունեին փաստեր անօրինական գործունեության մասին, ուրեմն ինչո՞ւ էին դրանք կոծկել, ինչը նույնպես քրեորեն պատժելի է: Այս ամենը տեղավորվում է գործող քաղաքական ուժի ռեպրեսիվ գործիքակազմի շրջանակում: Ինչպե՞ս կարելի է մի երկրում, որտեղ մշակույթն ունի ահռելի դերակատարում, որպես ինքնությունը սնուցող աղբյուր չկարեւորվել մշակույթը, որը քաղաքացի-ազգային պետականություն կերտող ամենամեծ աղբյուրն է: Հետո տեսանք նաեւ, որ ազգային ինստիտուտների դեմ կա ուղղորդված շարժում: Սա քաղաքական ծրագիր է՝ կոտրելու մեր մեջքը։ Այս ամենը խոսում է այն մասին, որ այս իշխանությունը պատերազմ է հայտարարել ազգայինին»։

Նշենք, որ ուսանողների ակցիային են միացել ՀՅԴ երիտասարդական միության անդամները, «Ադեկվադ» կուսակցությունը, Հայկական արժեքների պաշտպանության «Կամք» հասարակական նախաձեռնությունը եւ «ՎԵՏՕ» նախաձեռնության անդամները։

«ՎԵՏՕ» նախաձեռնության ղեկավար Նարեկ Մալյանը լրագրողների հետ զրույցում ասաց, որ եկել է այդ ակցիային մասնակցելու որպես անհատ․ «Ես ավելի վաղ այստեղ եկել էի՝ որպես անհատ, լսել էի ուսանողներին, իրենց ասելիքն էի փոխանցել ՎԵՏՕ-ի՝ այսօր տեղի ունեցած խորհրդի նիստին, եւ խորհրդի նիստում այսօր որոշում կայացվեց ամբողջությամբ աջակցել այս բողոքի ցույցերին, ցուցաբերել մասնակցություն՝ ֆիզիկական ներկայությունից մինչեւ կազմակերպչական աշխատանքների աջակցում։ Ակցիայի կազմակերպիչների հետ կքննարկենք իրենց հետագա հարցերը, ու անգամ  պատրաստ են հերթապահել իրենց հետ, պատրաստ ենք գիշերել այստեղ, մնալ այստեղ գիշեր-ցերեկ: Չեմ կարծում, որ մենք ինչ-որ բանով առավել ենք այն մարդկանցից, ովքեր այս հարցը բարձրացնում են»։

Մալյանի խոսքով՝ Արայիկ Հարությունյանը՝ որպես նախարար, տապալել է կրթական ոլորտը․ «Նրան պետք է դուրս շպրտել պետական համակարգից վայրկյան առաջ։ Դեռ հունիսին ՎԵՏՕ-ն հրապարակել էր, որ ՀՀ-ում իշխանությունը զավթված է օտարերկրյա գործակալական ցանցի, նաեւ «Սորոսի» կողմից: Արայիկ Հարությունյանը աշխատավարձ է ստացել Ջորջ Սորոսից՝ աշխատելով նրա հիմնադրած գրասենյակում: Նրա փոխնախարարը՝ Արեւիկ Անափիոսյանը եւս: Այս մարդկանց Աստվածը «Սորոսից» ստացած իրենց գումարներն են»։

Ավելի վաղ NEWS.am-ը հայտնել էր, որ ՀՅԴ երիտասարդական միությունը նստացույց է սկսել ԿԳՄՍ նախարարության դիմաց եւ պահանջում է նախարար Արայիկ Հարությունյանի հրաժարականը: Իր հերթին նույն պահանջով դասադուլ են հայտարարել ԵՊՀ Հայ բանասիրության եւ պատմության ֆակուլտետների ուսանողները, որոնք այսօր երթով շրջել են այլ բուհերով եւ կոչ արել միանալ իրենց պայքարին:

Ուսանողները ստորագրահավաք են սկսել, որին իրենց տեղեկացմամբ միացել է 800 ուսանող: Բացի այդ, ԿԳՄՍ նախարարության շենքի մոտ նախարարի հրաժարականի պահանջով  բողոքի ակցիա են անցկացնում նաեւ «ԿԱՄՔ» նախաձեռնությունը եւ «Ադեկվադ» կուսակցության անդամները։

Նշենք, որ բոլոր այս ակցիաների մասնակիցները դեմ են նախարարության նախաձեռնած «Բարձրագույն կրթության մասին» օրինագծին, որով առաջարկվում է բուհերում ոչ մասնագիտական ֆակուլտետներում հայեցողական դարձնել այժմ պարտադիր համարվող՝ «Հայոց լեզու» եւ «Հայոց պատմություն» առարկաների դասավանդումը:

 

Արայիկ Հարությունյանը հայտարարել է, որ չի պատրաստվում հրաժարական ներկայացնել: Նիկոլ Փաշինյանը դեռ ուրբաթ օրը բողոքի ակցիայի մասնակիցների հետ զրույցում նշել է, որ չի կիսում նրանց տեսակետները, իսկ կրթության, մշակույթի ոլորտում քաղաքականության պատասխանատուն կառավարությունն է:

Երկար ժամանակով լույս չի լինելու Երեւանում եւ մարզերում «Աթլետիկոն» ուժեղ էր «Օսասունայից» (տեսանյութ) Անցած շաբաթ հակառակորդը հրադադարի պահպանման ռեժիմը խախտել է շուրջ 140 անգամ Մարինա Կառոնի. Պակասել է հացն աշխարհի... (Շաբաթօրյա ընթերցումներ «Փաստ» օրաթերթից) Մարմնի 90 տոկոս այրվածքներով Այրվածքաբանության կենտրոն է տեղափոխվել միջին տարիքի մի տղամարդ Օֆելի Քոչարյան. Հեղափոխական տոնածառը (Շաբաթօրյա ընթերցումներ «Փաստ» օրաթերթից) ՊԵԿ-ը հորդորում է սեղմ ժամկետներում իրականացնել մեքենաների մաքսային ձևակերպումը Մի քանի հարց մեր իշխանություններին. Շարմազանով Սահ­մա­նա­փա­կու­մը՝ առայժմ Ռու­սաս­տա­նի մի նահանգում «Արաբկիր» ԲԿ-ում երեխայի ծնողը գլխով հարվածել է բաժանմունքի վարիչներից մեկի դեմքին «Սա­հա­կյանց» ստու­դի­ա­յի պատ­մու­թյու­նը «վար­կա­բե­կիչ ապա­ցույց­ներ» հայ­թայ­թե­լու պատ­մու­թյուն­նե­րի շար­քից է Անդրանիկ Քոչարյանը փոխանցել է, որ լքեմ երկիրը, որովհետեւ Նիկոլը հրաման է տվել, որ ինձ բռնեն. Ռուբեն Հայրապետյան ՊԱՏՄՈՒԹՅԱՆ ԱՅՍ ՕՐԸ (14 ԴԵԿՏԵՄԲԵՐԻ). Հա­յաս­տա­նում բաց­վել է առա­ջին բա­ցօ­թյա սա­հա­դաշ­տը ԱՄՆ Սե­նա­տի կող­մից Հա­յոց ցե­ղաս­պա­նու­թյու­նը ճա­նա­չող բա­նա­ձևի ըն­դու­նու­մը ճա­նա­պարհ է բա­ցում. «Փաստ» Օրվա խորհուրդը Կոռուպցիոն ռիսկերն այսօր էլ առկա են. «Փաստ» Ապարան-Քուչակ եւ Սեւան-Ծաղկունք ավտոճանապարհներին մեքենաներ են մնացել ձյան մեջ «Հա­յաս­տա­նում բո­լոր աս­պա­րեզ­նե­րում պրո­ֆե­սի­ո­նա­լիզ­մին պա­տե­րազմ է հայ­տա­րար­ված. ջար­դում են պե­տու­թյու­նը». «Փաստ» Մեղավորների փնտրտուք. ովքե՞ր են հաջորդները. «Փաստ» Kia-ն գրանցել է նոր լոգոտիպ
website by Sargssyan