Իշ­խա­նու­թյու­նը փաս­տա­ցի դա­դա­րել է հաշ­վե­տու լի­նել հա­սա­րա­կու­թյա­նը․ «Փաստ»

«Փաստ» օրաթերթը գրում է

Երբ Փաշինյանը իշխանափոխություն իրականացնելու հայտ ներկայացրեց, ներկայանում էր նոր իմիջով՝ ցույց տալով, թե ինքը մյուսներից տարբերվում է իր գործունեության թափանցիկությամբ: 

Վերջինիս համարյա թե բոլոր գործողությունները լուսաբանվում էին ուղիղ եթերների միջոցով: 

Որպեսզի ցույց տա, թե ժողովրդից թաքցնելու որևէ բան չունի, Փաշինյանը նույնիսկ իր ֆեյսբուքյան էջում հրապարակեց ծախսերի ցուցակ, թե ինչ գնումներ են կատարվել շարժման օրերին:

Իսկ վարչապետի պաշտոնը ստանձնելուց հետո Փաշինյանը սկսեց ուղիղ եթերներ կազմակերպել նաև ուղղաթիռից, Բաղրամյան 26-ից և կառավարական առանձնատնից, և մարդիկ զարմացած էին, թե վարչապետն ինչպիսի անմիջականությամբ է շփվում ժողովրդի հետ և թաքցնելու ոչինչ չունի: 

Մարդկանց հետաքրքրության կենտրոնում մնալու համար Փաշինյանը նաև սկսեց աջ ու ձախ սելֆիներ անել և նկարները տարածել ֆեյսբուքում:

Բայց ինքչան ժամանակն անցնում է, ժողովրդի համար տեսանելի է դառնում, որ Փաշինյանի կառավարությունը այնքան էլ թափանցիկ չի աշխատում հանրության հետ: 

Ավելին՝ կառավարությունը հանրությանը ներկայացնում է միայն այն դրվագները, որոնք իրենց ձեռնտու են, իսկ այն որոշումները, որոնք կարող են դժգոհությունների պատճառ դառնալ, գաղտնի են պահվում հասարակությունից:

Թերևս դա է պատճառը, որ միայն մամուլի հետազոտության շնորհիվ են մարդիկ իմանում, որ վարչապետը գաղտնի որոշմամբ բարձրացրել է նախարարների և մյուս բարձրաստիճան պաշտոնյաների աշխատավարձերը, իսկ հանրությանը դրա մասին տեղյակ չի պահվել, քանի որ հասարակ աշխատողները կարող էին հարցադրումներ անել, թե ինչո՞ւ աշխատավարձի մեծ չափով բարձրացումն իրենց չի հասնում:

Սակայն ամեն ինչ միայն այս դեպքով չսահմանափակվեց: Մամուլում տեղեկություններ շրջանառվեցին, թե պետբյուջեից կառավարական առանձնատան վերանորոգման համար հատկացվել է 2 մլն դոլար, և այդ ամենը կրկին գաղտնի է պահվել հանրությունից: 

Որոշ ժամանակ անց էլ պարզվեց, որ Նիկոլ Փաշինյանը 540 հազար դոլարով նոր մեքենա է ձեռք բերել, քանի որ շքեղությունների սիրահար վարչապետ Փաշինյանի համար նախկին իշխանություններից ժառանգություն մնացած զրահապատ Mercedes S 600 W221 մոդելի մեքենան հնացած է:

Իշխանություններին թվաց, թե այս շռայլությունները կարողացան մարսել, հանրության շրջանում դժգոհություն չկա, հիմա էլ աշխատակազմի ղեկավարի խոսքերից պարզ է դառնում, որ իշխանությունները մտադիր են Փաշինյանին սպասարկող նոր ինքնաթիռ ձեռք բերել, որը գնելու համար պետական միջոցներից ծախսվելու է ահռելի գումար՝ 55 մլն դոլար:

Ու ամենահետաքրքիրն այն է, որ իրեն թափանցիկ համարող կառավարությունն այս բոլոր ծախսերը կատարում է գաղտնիության քողի ներքո, որի համար որպես հիմնավորում կառավարության աշխատակազմի ղեկավար Էդուարդ Աղաջանյանը նշում է, թե դա օրենքի պահանջ է: 

Ամենայն հավանականությամբ, կառավարությունը օրենքի վրա հղում է կատարում, որպեսզի խուսափեն հանրությանը ներկայացնել այն փաստերը, թե ինչով են հիմնավորված այդպիսի շռայլ ծախսերը: 

Եվ կարելի է պատկերացնել, թե ինչպիսի ելույթներ կունենար ԱԺ-ում ընդդիմադիր Փաշինյանը, երբ բյուջեից այդպիսի ծախսեր արվեին նախկինում: 

Պարզապես քարը քարի վրա չէր թողնի:

Կառավարության որդեգրած այս քաղաքականության արդյունքում կասկածներ են առաջանում կապված նաև այն գումարների հետ, որոնք, ըստ Փաշինյանի, տարբեր անձինք վերադարձրել են բյուջե: 

Եվ գլխավոր հարցն այն է, թե այդ գումարները ծառայո՞ւմ են ըստ նպատակի, թե՞ դրանք առկա են միայն հայտարարություններում կամ ինչ-որ սառեցված վիճակում են:

Համենայն դեպս, չկա գումարների վերադարձի հետ կապված հանրային վերահսկողության մեխանիզմ, իսկ կառավարությունը շարունակում է շռայլություններ թույլ տալ իրեն այն դեպքում, երբ այդ գումարներով հնարավոր է լուրջ սոցիալական խնդիրներ լուծել:

 Իշխանությունը փաստացի դադարել է հաշվետու լինել հասարակությանը, իսկ ժողովրդին սելֆիներ ու նկարած ցուցանիշներ ներկայացնելով՝ ի վիճակի չի լինելու առաջիկայում պահպանել իր վարկանիշը:

Մանրամասները՝ «Փաստ» օրաթերթի այսօրվա համարում

 

Մանկապարտեզում հայտնաբերվել է «Զինվորի բաժին. վաճառքի ենթակա չէ» մակնշմամբ թթվասեր Երևանում տեղի է ունեցել Եվրոպական ֆիլմերի երկրորդ փառատոնի բացման արարողությունը Ամենաժամանակակից և ամենամեծ արևային էլեկտրակայանը Հայաստանում Դոլարի փոխարժեքն աճել է. եվրոն էժանացել է ՊՆ-ում կազմակերպվում են «1991 ստորաբաժանումում» ծառայություն անցնելու համար նախապատրաստական դասընթացներ Եղանակը՝ Հայաստանում Վազգեն Մանուկյանը հրաժարական է տվել Հանրային խորհրդի նախագահի պաշտոնից էներգետիկ անվտանգության գոտիներում կառուցապատման խախտումները վերացնելու հարցով Լոռու մարզի դատախազը դիմել է մարզպետին Երկրի թիվ մեկ «թամադայի» վերածված մարդը հումանիտար առարկաներ ուսումնասիրողներին անվանում է «թամադա». Աշոտյան Արշակ Փոլադյանը նշանակվել է Թունիսում ՀՀ դեսպան «Պարոն վարչապե՛տ, երկրիդ գիտնականները մնացել են լուսանցքում. մեր աշխատավարձն էլ դարձրեք 1,5 մլն»․ ԵՊՀ դասախոս Ջոկովիչը պարտվել է ՊԱՏՄՈՒԹՅԱՆ ԱՅՍ ՕՐԸ (13 ՆՈՅԵՄԲԵՐԻ)․ Ահաբեկչությունների շարք Փարիզում, երկրաշարժ՝ Հայաստանում Կենդանակերպի որ նշանների տակ ծնվածները որտեղ են սիրում հանգստանալ ձմռանը Դիլիջանի անտառում հրդեհ է բռնկվել. 5 ժամ է պահանջվել այն մարելու համար (ֆոտո) «Անցյալի տոտալ ժխտումը խանգարում է կառուցել ապագան». ինչո՞ւ են տեղի ունենում նման ճնշումներ Ուսանողները եւ ՀՅԴ երիտասարդները իրազեկման հերթական երթով շարժվում են նախարարությունների շենք (ուղիղ) Որքանո՞վ են նվազել ՀԱՊԿ-ում ՀՀ մշտական ներկայացուցչի դրամական միջոցները. «Փաստ» Երբ քաղաքացու ձայնը լսելի է. «Փաստ» Որպես մեծահոգի մարդ Արարատ Միրզոյանի օգնական Վահան Կոստանյանին մի խորհուրդ տամ
website by Sargssyan