WCIT-2019 հա­մա­ժո­ղո­վը՝ իշ­խա­նու­թյուն­նե­րի շա­րու­նա­կա­կա­նու­թյան դրա­կան օրի­նակ. «Փաստ»

«Փաստ» օրաթերթը գրում է

Այս օրերին Երևանում ընթանում է WCIT2019 տեղեկատվական տեխնոլոգիաների համաշխարհային համաժողովը, որն ինքնին շատ խոշոր իրադարձություն է:

 Ողջ աշխարհի ՏՏ հանրության ուշադրությունը սևեռված է համաժողովի, ըստ այդմ՝ Հայաստանի վրա: 

Ընդունենք, որ սա իսկապես կարևորագույն հնարավորություն է մեր երկիրն ըստ արժանվույն ներկայացնելու:

 

Նշենք, որ 1978 թվականին ՏՏ համաշխարհային համաժողովը հիմնադրել է Տեղեկատվական տեխնոլոգիաների և ծառայությունների համաշխարհային դաշինքը։ 

Համաժողովը տարբեր երկրներում տեղի է ունենում երկու տարին մեկ անգամ, իսկ 2017 թվականից արդեն՝ տարին մեկ անգամ: 

Այն աշխարհի խոշորագույն ՏՏ միջոցառումն է, և համաժողովի անցկացման օրերին այն մեկ հարկի տակ է հավաքում առաջատար ընկերությունների, ուսումնական, գիտական և հետազոտական կենտրոնների ղեկավարների, ինչպես նաև տարբեր պետությունների բարձրագույն ներկայացուցիչների:

Դեռևս 2014 թվականին Հայաստանը հայտ էր ներկայացրել Երևանում Տեղեկատվական տեխնոլոգիաների համաշխարհային համաժողովի անցկացման համար, և WCIT 2019-ը Հայաստանում անցկացնելու մասին որոշումն ընդունվել էր 2014 թ. սեպտեմբերին Մեքսիկայում՝ Տեղեկատվական տեխնոլոգիաների և ծառայությունների համաշխարհային դաշինքի (WITSA) տնօրենների խորհրդի նիստում:

Համաժողովը հյուրընկալվում է Հայաստանում՝ ՀՀ կառավարության բարձր հովանու ներքո և աջակցությամբ: 

Պատահական չէ, որ տևական ժամանակ խոսվում է համաժողովի աշխատանքները ամենաբարձր մակարդակով կազմակերպելու և դրա անցկացումից Հայաստանի համար ակնկալվող օգուտների մասին:

Ամիսներ առաջ մամուլում շրջանառվում էին տեղեկություններ, որ համաժողովին մասնակցելու են Google-ի, Amazon-ի և Facebook-ի և այլ ընկերությունների ղեկավարությունները, և մասնավորապես խոսվում էր, թե, որպես բանախոս, ներկա են լինելու նաև Facebook-ի հիմնադիր Մարկ Ցուկերբերգը, Microsoft-ի հիմնադիր Բիլ Գեյթսը, ԱՄՆ նախկին նախագահ Բարաք Օբաման: 

Անգամ հաստատվեցին այն տեղեկությունները, թե բանակցություններ են ընթանում Օբամայի գրասենյակի հետ: Սակայն նշված անձինք այդպես էլ չմասնակցեցին Երևանում ընթացող համաժողովին: 

Նշենք, որ տարբեր տարիներին համաժողովի բանախոսներ են եղել ՏՏ ոլորտի՝ ամբողջ աշխարհում հայտնի այնպիսի նորարարներ և պետական գործիչներ, ինչպիսիք են ԱՄՆ նախագահ Բիլ Քլինթոնը, Մեծ Բրիտանիայի վարչապետ Մարգարետ Թետչերը, ԽՍՀՄ ղեկավար Միխայիլ Գորբաչովը, Microsoft-ի հիմնադիր Բիլ Գեյթսը, Oracle ընկերության հիմնադիր Լարի Էլիսոնը, Dell ընկերության հիմնադիր Մայքլ Դելլը և ուրիշներ: 

Նշանակալից է, որ Երևանում անցկացվող համաժողովի բանախոսների թվում են հեռուստաաստղ Քիմ Քարդաշյանը, գործարար Ալեքսիս Օհանյանը, ՌԴ հարկային ծառայության ղեկավար Միխայիլ Միշուստինը, «GIPHY»-ի հիմնադիր Ալեքս Չունգը և ՏՏ խոշոր ընկերությունների մի շարք ներկայացուցիչներ և այլ փորձագետներ, սակայն հարկ է նշել, որ, ցավոք, հնարավոր չդարձավ ապահովել ՏՏ ոլորտում հայտնի համաշխարհային ընկերությունների ղեկավարների և աշխարհում ճանաչում ունեցող գործիչների ավելի մեծ մասնակցություն: 

Ավելին՝ հնարավորություն կար, որ Երևանում անցկացվող համաժողովը այլ երկրներում անցկացված համաժողովներից առանձնանար աշխարհահռչակ բանախոսների մեծ կազմով, ինչը յուրահատուկ փայլ կհաղորդեր Հայաստանում անցկացվող համաժողովին և այն այդ առումով կդարձներ եզակի:

Բացի այդ, Երևանյան համաժողովին ներկա է ավելի քան 2000 մասնակից՝ 70 երկրից, այնինչ կարելի էր ու հնարավոր էր ապահովել մասնակցության ավելի մեծ շրջանակ: 

Օրինակ՝ հաջորդ տարի նախատեսվող WCIT2020-ին, որն անցկացվելու է Մալազիայում, արդեն իսկ աշխատանք է տարվում, որ համաժողովին մասնակցի 4000 մասնակից աշխարհի 80 երկրներից:

 

Այս ամենով հանդերձ, Հայաստանում ՏՏ համաշխարհային համաժողովի անցկացումը արդեն իսկ լուրջ ձեռքբերում է, և կառավարությունը պետք է ամեն ինչ անի, որ համաժողովը, բացի ցուցադրական էֆեկտից, ունենա նաև գործնական հետևանքներ, իսկ դրա համար պետք է արտերկրյա ՏՏ ընկերություններին ներկայացնել Հայաստանի ՏՏ ներուժը, մեր երկրում գործունեություն ծավալելու բարենպաստ միջավայրը և պայմանավորվածություններ ձեռք բերել Հայաստանում այդ ընկերությունների մասնաճյուղեր բացելու ուղղությամբ:

Հ.Գ.-Ի դեպ, այս համաժողովը պետք չէ գրանցել ո՛չ ներկա, ո՛չ էլ նախկին իշխանությունների հաշվեկշռում: Սա շարունակականության պարզ ու գովելի օրինակ է, որտեղ իրենց ուրույն դերակատարությունն են ունեցել բոլորը՝ թե՛ նախաձեռնած ու նախապատրաստած նախկինները, թե՛ մանր թերությունները չհաշված՝ բավական հաջողությամբ իրականացրած ներկաները:

Մանրամասները՝ «Փաստ» օրաթերթի այսօրվա համարում

 

Սիրիայում թուրքական հրետակոծության հետեւանքով 2 քուրդ լրագրող է զոհվել Ֆրանսիան այլ տարբերակ չունի, քան իր զորքերը Սիրիայից հանելը Կհեռանամ ՍԴ-ից, երբ լրանա իմ պաշտոնավարման ժամկետը․ Հրայր Թովմասյան Արցախի ճանաչումը որպես Հայաստանի մարզ պետք է լինի քաղաքականությանը համապատասխան․ Արայիկ Հարությունյան Կոտայքի մարզում բախվել են 22-ամյա վարորդի Hyundai-ն և 24-ամյա վարորդի Mercedes-ը. կա վիրավոր Զորավարժությունների արդյունքում մեր վստահությունն ավելացել է մեր ուժերի նկատմամբ. Նիկոլ Փաշինյան Արցախը նշանակալի զարգացում է ապրել. Ֆրանսուա Ռոշբլուա Խոշոր գողություն՝ «Երևան Մոլի» ավտոկայանատեղիից. կոտրել են Lexus-ի ապակին և հափշտակել մոտ 6 մլն դրամ Երեւանում 4 հոգով ծեծի են ենթարկել 30-ամյա կահույքագործին. Նրանցից մեկը ժամկետային զինծառայող է Նույն սերիայի ու համարի ինը հատ 20-հազարանոց թղթադրամ. 20-ամյա երիտասարչդը բերման է ենթարկվել Ցավալի է, բայց փաստ Պապիկյանը ՄԱԶ գործարանի պատվիրակության հետ քննարկել է ՀՀ-ում մեքենասարքավորումների արտադրություն հիմնելու մասին Երկու հոգու դանակահարողը հայտնաբերվել է. դեպքը եղել է գիշերվա ժամը 2-ին. կասկածյալը ներկայացրել է դանակը Անշարժ գույքի գործարքները 2019 թ. սեպտեմբերին նախորդ տարվա նույն ամսվա համեմատ աճել են 25.5 %-ով Մոսկվա-Գյումրի չվերթի 41-ամյա ուղեւորը վիրավորել է անձնակազմին, չի ենթարկվել նրանց Ավտովթարից զոհվել է Նիկոլայ Բուլակինը Աննա Հակոբյանը ներկա է գտնվել Ժնեւի Սուրբ Հակոբ հայկական եկեղեցում Գարեգին Բ-ի մատուցած Սուրբ Պատարագին Կարեն Խաչանովը` ATP-ի վարկանիշային աղյուսակում Սահմանին ապրող հայը քայլող հայրենիք է և աչքերի փայլը բոլորովին այլ է … «Էրեբունու» ծննդատանը 47-ամյա ծննդկան է մահացել
website by Sargssyan