Առաջիկայում ուժի մետ կմտնեն ԵՏՄ միասնական էլեկտրաէներգետիկ շուկայի ձեւավորման պայմանավորվածությունները. Պուտին

Ինտեգրացիոն գործընթացները Եվրասիական միության շրջանակում ամենանպաստավոր ազդեցությունն են ունենում մասնակից երկրների տնտեսությունների աճի վրա, նպաստում մեր քաղաքացիների կենսամակարդակի բարձրացմանը։ Այս մասին ասաց ՌԴ նախագահ Վլադիմիր Պուտինը՝ ելույթ ունենալով Երեւանում Եվրասիական բարձրագույն տնտեսական խորհրդի նիստում։

Նրա խոսքով՝ շարունակում են աճել նաեւ ԵՏՄ պետությունների ամփոփ ՀՆԱ-ները, ավելանում է արդյունաբերական, գյուղատնտեսական արտադրությունը։ «Միեւնույն ժամանակ, մեր միավորման առջեւ կանգնած են նաեւ նոր մասշտաբային խնդիրներ։ Միեւնույն ժամանակ, մեր կարծիքով, հատուկ ուշադրություն պետք է դարձվի պատնեշների վերացման համակարգային աշխատանքին ապրանքների եւ ծառայությունների առեւտրի ոլորտում, ընդ որում՝ շուկայի տարբեր հատվածներում։ Գերակայությունների թվում է նաեւ ընդհանուր միութենական կարգավորման ներդրումը ֆինանսական ոլորտում։ Ընթացիկ նիստի արդյունքներով՝ նկատի ունեմ հաստատել ԵՏՄ ընդհանուր ֆինանսական շուկայի ձեւավորման հայեցակարգը»,- նշեց Պուտինը։

Այդ փաստաթուղթը կդառնա բանկային եւ ապահովագրական ծառայությունների մատուցման համընդհանուր կանոնների, արժեթղթերով գործառնությունների «ճանապարհային քարտեզ»։ «Ճանապարհային քարտեզով» նախատեսվող միջոցառումների իրականացումը թույլ կտա պարզեցնել մեր երկրների քաղաքացիների համար ֆինանսական գործիքների հասանելիությունը, շուկայի այդ հատվածը դարձնել միասնականացված եւ թափանցիկ, նշեց ՌԴ նախագահը։

Նրա խոսքով՝ լավ տեմպերով է ընթանում նաեւ միութենական օրենսդրության կատարելագործման գործընթացը էներգետիկայի ոլորտում։ Արդեն առաջիկայում ուժի մեջ կմտնեն ԵՏՄ միասնական էլեկտրաէներգետիկական շուկայի ձեւավորման պայմանավորվածությունները։ Ընդհանուր էլեկտրաէներգետիկական տարածքը պետք է կազմավորվի գազի, նավթի եւ նավթամթերքների միութենական շուկաների ստեղծման հետ միաժամանակ 2025 թվականին։ Առաջին հերթին անհրաժեշտ է ավարտել անդամ երկրների օրենսդրությունների միասնականացման գործընթացը գազի մատակարարման եւ փոխադրման ոլորտում։

«Մեծ նշանակություն ենք տալիս ԵՏՄ մաքսային տարածք ներմուծվող ապրանքների հետեւելիության մասին համաձայնագրի արագ իրականացմանը։ Եվրասիական տնտեսական հանձնաժողովը, մեր այսօրվա որոշման համաձայն, կստանա համապատասխան լրացուցիչ լիազորություններ։

Կարեւոր է ապահովել միութենական շուկայում արտադրանքի շրջանառության թափանցիկությունը, դրա համար հարկավոր է հաստատել իրավաբանորեն նշանակալի էլեկտրոնային ապրանքային ուղեկից փաստաթղթերի լիարժեք փոխանակում, ինչպես նաեւ ավելի եռանդուն ներդնել ապրանքների էլեկտրոնային մակնշավորումը։ Օրինակ՝ մի շարք ապրանքների մակնշավորման պիլոտային նախագիծը հաստատեց այս միջոցառման արդյունավետությունը կոնտրաֆակտային արտադրանքի դեմ պայքարում, ավելացրեց հարկային մուտքերը»։

Պուտինը տեղեկացրեց, որ հոկտեմբերի վերջին ուժի մեջ կմտնի ժամանակավոր համաձայնագիրը, որը կհանգեցնի ազատ առեւտրի գոտու ստեղծմանը ԵՏՄ-ի եւ Իրանի միջեւ։ «Դրա իրականացումը կհանգեցնի ներմուծման սակագների զգալի նվազման, այլ սահմանափակումների վերացման, որոնք խանգարում են ապրանքային հոսքերի շարժին։ Այս ամենն, անշուշտ, կնպաստի փոխադարձ առեւտրի եւ ներդրումների աճին»։

«Ընդհանրապես, մեր միության շփումների աշխարհագրությունը մշտապես ընդլայնվում է։ Միավորումը համագործակցության վերաբերյալ առարկայական բանակցություններ է վարում 13 երկրների եւ ավելի քան 20 միջազգային կառույցների ու կազմակերպությունների հետ։ Դրանք են թե՛ Սերբիան, թե՛ Իսրայելը, թե՛ Եգիպտոսը։ Շուտով կմեկնարկեն ազատ առեւտրի գոտու վերաբերյալ նման բանակցություններ Հնդկաստանի հետ՝ նրա վիթխարի, հսկայական շուկայով հանդերձ։ Արագ զարգացող տնտեսություն է, տեմպերով այն այսօր աշխարհում թիվ մեկն է»,- ասաց նա։

Պուտինը նշեց, որ ԵՏՄ-ն արդեն վաղուց եւ արգասաբեր ընդլայնում է փոխգործակցությունը Ասիա-խաղաղօվկիանոսյան տարածաշրջանի դինամիկ տնտեսությունների հետ։ Անհրաժեշտ է այսուհետ եւս սերտ կապեր շարունակել Եվրասիական միության եւ Շանհայի համագործակցության կազմակերպության ու ԱՍԵԱՆ-ի երկրների միջեւ, աշխատել հօգուտ ավելի մեծ եվրասիական գործընկերության։

«Այս համատեքստում հատուկ դեր են խաղում Չինաստանի հետ Եվրասիական տնտեսական միության առեւտրատնտեսական հարաբերությունները։ Մենք համոզված ենք, որ շուտով Չինաստանի հետ համագործակցության համաձայնագրի ուժի մեջ մտնելը կդառնա քայլ չինական «Մեկ գոտի, մեկ ճանապարհ» նախաձեռնության հետ ԵՏՄ շրջանակում ընթացող գործընթացների համակցման ճանապարհին»։ 

 

Կրակոցներ՝ Երևանում. դեպքի վայրում հայտնաբերվել են «Մակարով» ատրճանակից կրակված 3 պարկուճ, 1 գնդակ Զոհրաբ Մնացականյանի հայտարարությունը՝ ՄԱԿ-ի Մարդու իրավունքների խորհրդի անդամ ընտրվելու կապակցությամբ Hayeli.am. նոր ռեպրեսիա․ բերման են ենթարկել գործարարի և ճնշել, որ ցուցմունք տա Արթուր Վանեցյանի Գյումրիում կառուցվում է «Բարեկամություն» զբոսայգին․ մեկնարկի արարողությանը ներկա էր Նիկոլա Ազնավուրը Գերմանացի քաղաքական գործիչները պահանջել են Թուրքիայի դեմ ավելի կոշտ միջոցներ ձեռնարկել «Սա անսպասելի եւ ուրախալի իրականություն է». Արմեն Օրուջյանը՝ Գլոբալ ինովացիոն համաժողովի մասին Հրդեհ «Դիլիջան ազգային պարկ» ՊՈԱԿ-ի տարածքում Մխիթար Հայրապետյանը Երևանի շախմատի ֆեդերացիայի նախագահ է ընտրվել. կփոխարինի Տարոն Մարգարյանին Կոտայքի մարզի Մրգաշեն գյուղի նախկին ղեկավարը յուրացրել է ընդհանուր մոտ 3,38 մլն դրամ. ոստիկանություն Էրեբունու ոստիկանները բնակարանային գողությունը բացահայտեցին հենց ահազանգի օրը Դավիթ Տոնոյանը ԵՄ հատուկ ներկայացուցչին ներկայացրել է Արցախի ու Ադրբեջանի զինված ուժերի շփման գծում տիրող իրավիճակը ԱԳ նախարարը ընդունել է ռեժիսորների և պրոդյուսերների գլխավորած պատվիրակությանը Վաղարշապատի բաժնի ոստիկանները ապօրինի թմրաշրջանառության դեպք են բացահայտել Սպանված ոստիկանի հոգեհանգստի արարողությունը՝ Ոստիկանության կրթահամալիրում (ուղիղ) Ջեյմս Ջոյսի աճյունը ցանկանում են վերամփոփել Դուբլինում Ոստիկանը հետմահու պարգևատրվել է Արիության մեդալով Երեւանում անչափահասը Toyota-ով բախվել է պատին. վիրավորները անչափահաս են. դիմապակուն եղել է գնդապետի անվամբ անցագիր «Դե արի ու մի խենթացիր» ԱԱԾ են կանչվել Հրայր Թովմասյանի 75-ամյա թոշակառու հայրը և երկու դուստրերը. Ռուբեն Մելիքյան Եղանակը Հայաստանում
website by Sargssyan