Ծանրամարտի Հայաստանի հավաքականի վերադարձը հայրենիք հետաձգվում է

Ծանրամարտի Հայաստանի հավաքականը Թաիլանդի Պատայա քաղաքից Ուկրաինայի մայրաքաղաք Կիև ժամանել է ուշացումով ու սեպտեմբերի 29-ի երեկոյան նախատեսված Կիեւ-Երեւան չվերթին թիմը չի հասել։ Ծանրորդները Հայաստան կվերադառնան առաջին հարմար չվերթով: Այդ մասին NEWS.am Sport-ի թղթակցի հետ զրույցում ասաց աշխարհի կրկնակի չեմպիոն Սիմոն Մարտիրոսյանը։

Սպասվում է, որ թիմը Երեւան կժամանի հոկտեմբերի 1-ին, 02։50-ին։

Հիշեցնենք, որ ծանրամարտի աշխարհի առաջնությունը տեղի ունեցավ սեպտեմբերի 18-27-ը Թաիլանդի Պատայա քաղաքում: Փաշիկ Ալավերդյանի գլխավորած թիմն աշխարհի առաջնությանը ներկայացել էր 9 ծանրորդով. Անդրանիկ Կարապետյան (81 կգ), Հակոբ Մկրտչյան, Դավիթ Հովհաննիսյան (89 կգ), Սամվել Գասպարյան (102 կգ), Սիմոն Մարտիրոսյանը (109 կգ), Գոռ Մինասյան (+109 կգ), Ռուբեն Ալեքսանյան (+109կգ), Իզաբելա Յայլյան (59 կգ), Տաթեւ Հակոբյան (87 կգ):

Աշխարհի առաջնությունում Հայաստանի հավաքականը նվաճեց 4 մեդալ. Սիմոն Մարտիրոսյան՝ ոսկե մեդալ. աշխարհի չեմպիոն եւ ռեկորդակիր, Հակոբ Մկրտչյան՝ ոսկե մեդալ. աշխարհի չեմպիոն, Գոռ Մինասյան՝ արծաթե մեդալ. աշխարհի փոխչեմպիոն, Ռուբեն Ալեքսանյան՝ աշխարհի բրոզե մեդալ: Սիմոն Մարտիրոսյանը աշխարհի առաջնությունում չեմպիոնի կոչումը 109 կգ քաշայինների պայքարում նվաճեց երկամարտի 429 կգ արդյունքով: Մարտիրոսյանը պոկում վարժությունում գրավեց առաջին տեղը։ Նա բարձրացնելով 199 կգ՝ սահմանեց նաեւ այս վարժության աշխարհի ռեկորդ:

89 կգ քաշային կարգում Հակոբ Մկրտչյանը, երկամարտում գրանցելով 375 կգ արդյունք, հռչակվեց աշխարհի չեմպիոն: Պոկում վարժությունում այս տարվա Եվրոպայի չեմպիոնը 167 կգ արդյունքով չորրորդն էր, իսկ հրում վարժությունում հայ ծանրորդը բարձրացրեց 208 կգ եւ երկամարտում 1 կգ-ով գերազանցեց երկրորդ տեղը գրաված իրանցի Ալի Միրիին:

+109 կգ քաշայինների պայքարում օլիմպիական փոխչեմպիոն Գոռ Մինասյանը արծաթե մեդալ նվաճեց երկամարտի 460 կգ արդյունքով: Նույն քաշային կարգում հանդես եկած այս տարվա Եվրոպայի բրոնզե մեդալակիր Ռուբեն Ալեքսանյանը երկամարտում գրավեց երրորդ տեղը՝ 437 կգ (192+245)։ Պոկում վարժությունում Գոռ Մինասյանը գրավեց երկրորդ տեղը՝ բարձրացնելով 212 կգ, ինչը անձնական ռեկորդ է։ Հրում վարժությունում Գոռ Մինասյանը բարձրացրեց 248 կգ, Ռուբեն Ալեքսանյանը 245 կգ-ով երրորդն էր։ Այս քաշային կարգում շարունակում է անգերազանցելի մնալ Լաշա Տալախաձեն՝ 484 կգ (220+264):

Մյուս քաշային կարգերում փոքր բրոնզե մեդալ նվաճեց միայն 102 կգ քաշային Սամվել Գասպարյանը: Պոկում վարժությունում Սամվել Գասպարյանը 10 կգ-ով գերազանցեց Եվրոպայի առաջնությունում գրանցած արդյունքը եւ, բարձրացնելով 178 կգ, նվաճեց փոքր բրոնզե մեդալ: Երկամարտի 390 կգ արդյունքով Սամվել Գասպարյանը 5-րդն է:

89 կգ քաշային կարգում Հայաստանի ներկայացուցիչ Դավիթ Հովհաննիսյանը երկամարտում գրանցեց 355 կգ արդյունք՝ զբաղեցնելով 12-րդ տեղը:

Կանանց պայքարում 81 կգ քաշային կարգում Հայաստանի ներկայացուցիչ Տաթեւ Հակոբյանը երկամարտի 226 կգ արդյունքով 10-րդ տեղն է, B խմբում հանդես եկած 59 կգ քաշային Իզաբելլա Յայլյանը երկամարտի 202 կգ արդյունքով 6-րդն է: Աշխարհի առաջնությում միակ ձախողումը Անդրանիկ Կարապետյանինն էր: 2016 թվականի Եվրոպայի չեմպիոնը 81 կգ քաշային կարգում երկամարտում 0 ստացավ՝ ձախողելով հրում վարժությունը։ Պոկում վարժությունում Կարապետյանը առաջին մոտեցմամբ բարձրացրեց 168 կգ եւ այդ արդյունքով գրավեց երրորդ տեղը։ Հրում վարժությունում Կարապետյանը չկարողացավ բարձրացնել նախապես պատվիրած 195 կգ-ն:

Լուսինե Շահբազյան

Կրակոցներ՝ Երևանում. դեպքի վայրում հայտնաբերվել են «Մակարով» ատրճանակից կրակված 3 պարկուճ, 1 գնդակ Զոհրաբ Մնացականյանի հայտարարությունը՝ ՄԱԿ-ի Մարդու իրավունքների խորհրդի անդամ ընտրվելու կապակցությամբ Hayeli.am. նոր ռեպրեսիա․ բերման են ենթարկել գործարարի և ճնշել, որ ցուցմունք տա Արթուր Վանեցյանի Գյումրիում կառուցվում է «Բարեկամություն» զբոսայգին․ մեկնարկի արարողությանը ներկա էր Նիկոլա Ազնավուրը Գերմանացի քաղաքական գործիչները պահանջել են Թուրքիայի դեմ ավելի կոշտ միջոցներ ձեռնարկել «Սա անսպասելի եւ ուրախալի իրականություն է». Արմեն Օրուջյանը՝ Գլոբալ ինովացիոն համաժողովի մասին Հրդեհ «Դիլիջան ազգային պարկ» ՊՈԱԿ-ի տարածքում Մխիթար Հայրապետյանը Երևանի շախմատի ֆեդերացիայի նախագահ է ընտրվել. կփոխարինի Տարոն Մարգարյանին Կոտայքի մարզի Մրգաշեն գյուղի նախկին ղեկավարը յուրացրել է ընդհանուր մոտ 3,38 մլն դրամ. ոստիկանություն Էրեբունու ոստիկանները բնակարանային գողությունը բացահայտեցին հենց ահազանգի օրը Դավիթ Տոնոյանը ԵՄ հատուկ ներկայացուցչին ներկայացրել է Արցախի ու Ադրբեջանի զինված ուժերի շփման գծում տիրող իրավիճակը ԱԳ նախարարը ընդունել է ռեժիսորների և պրոդյուսերների գլխավորած պատվիրակությանը Վաղարշապատի բաժնի ոստիկանները ապօրինի թմրաշրջանառության դեպք են բացահայտել Սպանված ոստիկանի հոգեհանգստի արարողությունը՝ Ոստիկանության կրթահամալիրում (ուղիղ) Ջեյմս Ջոյսի աճյունը ցանկանում են վերամփոփել Դուբլինում Ոստիկանը հետմահու պարգևատրվել է Արիության մեդալով Երեւանում անչափահասը Toyota-ով բախվել է պատին. վիրավորները անչափահաս են. դիմապակուն եղել է գնդապետի անվամբ անցագիր «Դե արի ու մի խենթացիր» ԱԱԾ են կանչվել Հրայր Թովմասյանի 75-ամյա թոշակառու հայրը և երկու դուստրերը. Ռուբեն Մելիքյան Եղանակը Հայաստանում
website by Sargssyan