«Հաս­ցե­ա­տե­րերը պետք է լի­նեն իրենց կյան­քը նվի­րա­բե­րած ու վտանգած հայորդիները»․ «Փաստ»

«Փաստ» օրաթերթը գրում է

«Զինվոր» ՀԿ համակարգող խորհուրդն օրեր առաջ կայացած նիստից հետո գրությամբ դիմել է վարչապետ Նիկոլ Փաշինյանին, որով առաջարկում է մարտական առաջադրանք կատարելիս զոհված և հաշմանդամ դարձած զինծառայողների 6640 ընտանիքից յուրաքանչյուրին տրամադրել միանվագ 30 մլն դրամ աջակցություն:

Գրության տակ ստորագրել են «Զինծառայողների ապահովագրության» հիմնադրամի հոգաբարձուների խորհրդի անդամ Մեսրոպ Մանուկյանը, «Զինվոր» համակարգող խորհրդի նախագահ Մարգարիտա Խաչատրյանը, «Ինձ բացակա չդնեք» ՀԿ-ի նախագահ Սաթիկ Խլղաթյանը:

Մեսրոպ Մանուկյանը «Փաստի» հետ զրույցում նշում է՝ զինծառայողների սոցապահովության հիմնադրամում ինքը հաշվետու է զոհվածների ծնողների առաջ, ընտրված անդամ է հանձնաժողովում, պարբերաբար քննարկումներ է անցկացնում զինծառայողների ընտանիքների հետ:

«Վարչապետին դիմելու իմ առաջարկը հետևյալ կերպ ի հայտ եկավ: Անցած տարվա սեպտեմբերին, երբ որոշվեց հիմնադրամից հետհաշվարկով զոհվածների ընտանիքներին գումար փոխանցել, առաջարկեցի, որ նաև միանվագ գումարը վճարենք, բայց այն ժամանակ գումար չլինելու կամ էլ սղության պատճառաբանությամբ իմ առաջարկությունը մերժվեց:

Հիմա կառավարությունը զոհվածների ընտանիքների աջակցության նոր չափորոշիչներ է սահմանել, ուստի համարում եմ, որ Հայաստանի Հանրապետությունում ամենաարժեքավորը սահմանին կանգնած զինվորն է, և նրա կյանքի արժեքն անգին է: 

Կարծում եմ՝ այն հայորդիները, որոնք իրենց կյանքը նվիրաբերեցին մեր հայրենիքին կամ էլ հաշմանդամություն ձեռք բերեցին, արժանի են, որ կառավարության որդեգրած նույն սկզբունքով իրենք նույնպես ստանան ֆինանսական աջակցություն:

Իմ այս առաջարկությունը քննարկել եմ զոհվածների ծնողների և հաշմանդամություն ունեցող զինծառայողների ընտանիքների հետ, բոլորը միակարծիք են և խնդրել են, որ այդ հարցը բարձրաձայնեմ»,-ասում է Մանուկյանը:

Նա նաև մատնացույց է անում, թե որտեղից կարելի է վերցնել այդ գումարները: «Այս տարի կառավարությունը հայտարարում է, որ եկամտային հատվածով 25 տոկոս հավելաճ է ունենալու, այսինքն՝ պետբյուջեն եկամտային մասով կգերակատարվի:

Այդ գումարների մուտքագրումը ոչ թե արդյունավետ տնտեսական քաղաքականություն վարելու արդյունք է, այլ նրա, որ ԵԱՏՄ շրջանակներում Հայաստանն այսօր ունի լավագույն մաքսային դաշտ, ինչի վառ օրինակը ավտոմեքենաների մաքսազերծումն է:

Հենց այդ պարագայում են լրացուցիչ մուտքեր ապահովվել: Հաջորդ տարի այս մուտքերը չենք ունենալու, սա վերջին տարին է, այս մուտքերը հիմք ընդունելով՝ գալիք տարի ինչ-որ ռազմավարական ծրագիր մշակելը, կարծում եմ, այդքան էլ ճիշտ չի լինի:

Առաջարկում եմ, որ «երկնքից մեր կառավարության գիրկն ընկած այս խնձորները» գտնեն իրենց ճիշտ և արդարացի հասցեատերերին:

Այս պարագայում ասում եմ՝ դուք գումար ունեք, որ դեպոզիտ եք մուտք արել և ոչինչ չեք անում, այն պետք է հասցեատեր ունենա: Իսկ հասցեատերերը պետք է լինեն այն հայորդիները, որոնք իրենց կյանքը նվիրաբերել են անկախ Հայաստանի համար: Սա պոպուլիստական հայտարարություն չէ»,- նշում է մեր զրուցակիցը

Նա տեղեկացնում է, որ 6640 ընտանիքի մեջ ներառված են և՛ Արցախյան, և՛ Ապրիլ յան պատերազմի ժամանակ զոհված և հաշմանդամություն ձեռք բերած զինծառայողները և նրանց ընտանիքները:

«Իմ հաշվարկներով՝ այս թվի մեջ ներառված են մարդիկ, որոնք զոհվել կամ էլ հաշմանդամություն են ձեռք բերել մարտական առաջադրանք կատարելիս:

Ներառված չեն այն դեպքերը, երբ զինծառայողները ինքնասպանություն են գործել կամ միջանձնային միջադեպերի հետևանքով գրանցվել է զինծառայողի մահը»,-եզրափակում է Մեսրոպ Մանուկյանը:

Մանրամասները՝ «Փաստ» օրաթերթի այսօրվա համարում

 

Երևանի Շիրակի փողոցում բախվել են Lexus-ն ու BMW-ն. կա տուժած Նիկոլ Փաշինյանը «HSBC International» Եվրոպայի զարգացման գծով տնօրենի հետ քննարկել է համագործակցության զարգացման հարցեր Երեւանյան բնակարաններից մեկում դի է հայտնաբերվել Ողբերգական վրաերթ Վանաձորում․ տուժածը հիվանդանցում գիտակցության չգալով մահացել է Արմեն Գրիգորյանը շնորհավորական ուղերձ է հղել ԱՄՆ նախագահի ազգային անվտանգության գծով խորհրդականին Պարզվել է Վանաձորում 27-ամյա երիտասարդի նկատմամբ սպանության փորձ կատարած անձի ինքնությունը. ՔԿ Հայաստանը շահագրգռված է «Բոինգ» աշխարհահռչակ կորպորացիայի հետ փոխշահավետ համագործակցությամբ. Փաշինյան Երկու գողությունն էլ նույն անձն էր կատարել. նրա մոտ նաեւ թմրանյութ են գտել ԱՄՆ կոնգրեսականները Հայաստան այցի շրջանակում որոշել են այցելել նաեւ Ղարաբաղ Իշխանության հակառակ կողմը Փոխվարչապետ Տիգրան Ավինյանն ընդունել է Զարգացման ֆրանսիական գործակալության Հարավային Կովկասի գրասենյակի ղեկավարին Սեպտեմբերի 21-ին Բուրջ Խալիֆան առաջին անգամ կլուսավորվի Հայաստանի դրոշի գույներով Սեփական երկրի կառուցումը բոլորիս պատասխանատվությունն է. ԻԴԵԱԼ-ը արդեն Արարատ քաղաքում է Եղանակը Հայաստանում Զոհված զինծառայողների մայրերը 5 օր ժամանակ տվեցին Փաշինյանին Նիկոլ,սխալ կուպե ես նստել. Շարմազանով Կադրային փոփոխություն ՃՈ-ում. Երեւանի ՃՈ պետը փոխվել է Կոնկրետ Ձեզ թույլ չեմ տա ինձ բան ասեք. Փաշինյանը՝ Մանվել Գրիգորյանի նախկին օգնականին (տեսանյութ) Հանրայինն հեռուստաընկերությունն աշխատանքից ազատել է հաղորդավար Ժակին ՈՒՂԻՂ. Նիկոլ Փաշինյանը հանդիպեց զոհված զինվորի մայր Մարգարիտա Խաչատրյանի հետ
website by Sargssyan