Սանիթեքահաճո հայտարարություններն այլևս թրենդային չեն

ՀՀ վարչապետ Նիկոլ Փաշինյանի և Երևանի քաղաքապետ Հայկ Մարությանի աշխատանքային քննարկման ժամանակ հանրությանը հնարավորինս մանրամասն ներկայացվեց, թե «Սանիթեք» ընկերությունն իրականում ինչ վարքագիծ է դրսևորում և որքանով է շահագրգռված իր կողմից ստանձնած պարտավորությունները կատարելու հարցում:

Պարզ ասած, անզեն աչքով էլ տեսանելի է, որ ընկերության տնօրինությունը ոչ թե ուզում է գործով զբաղվել, այլ որոշել է «մուկն ու կատու» խաղալ, բայց ձեռքի հետ էլ գումար աշխատել: Ավելին, իր չկատարած աշխատանքի դիմաց ցանկանում է նաև ավելացնել քաղաքապետարանից ստացվող գումարների չափը, ինչը ոչ միայն պայմանագրային պարտավորությունների խախտում է, այլև ոլորտում մենաշնորհային դիրքի չարաշահում:

Երևանի քաղաքապետը բազմիցս նշել է, որ իր համար ստեղծված իրավիճակին լուծում տալը դարձել է պատվի հարց և «Սանիթեքի» հետ, թե առանց «Սանիթեքի» Երևանի աղբահանության հարցը լուծվելու է հնարավորինս սեղմ ժամկետներում:

Այն, որ մայրաքաղաքային իշխանությունների դեմ հստակ սաբոտաժ է իրականացվում, որի վրա նաև իր ձեռքերն է փորձում տաքացնել Երևանի ավագանու «Լույս» խմբակցությունը, կրկին անզեն աչքով տեսանելի է: Մարությանի հանդեպ իրականցվող դեմարշին, նույնիսկ միացել է «Լուսավոր Հայաստան» կուսակցության նախագահ ԱԺ պատգամավոր, «Լուսավոր Հայաստան» խմբակցության ղեկավար Էդմոն Մարուքյանը, մոռանալով, որ թե՛ ԱԺ-ում, թե՛ Երևանի ավագանիում այս դաշինքը փոշեկուլի էֆեկտի շնորհիվ հայտնվել:

Հակառակ դեպքում, ընտրություններին մասնակցած մյուս ուժերի նման բոլոր ցուցակներից դուրս կմնար ու դիվիդնտներ շահելու համար ինչքան էլ իշխանությունների դեմ սադրանքներն օգտագործեր, միևնույն է, ոչնչի չէր հասնելու: Թեև հիմա էլ, առանձնապես ոչինչ չեն կարողանում անել, բացառությամբ՝ սանիթեքահաճո որոշ հայտարարությունների, ինչն առանձնապես չի փոխում երևույթների հանդեպ երևանցիների պատկերացումները:

Ինչ վերաբերում է աղբահանության խնդրին, ապա պարզվում է, որ այդ հարցը շատ երկրներում կարող է քաղաքական սաբոտաժի գործիքի վերածվել, քանի որ դրանով ոչ միայն շատ հեշտ է հասարակության դժգոհության ալիքը կառավարել, այլև իր մեջ այլ վտանգներ է պարունակում՝ ուղղակի կարող է սպառնալ հանրության առողջությանը:

Ստացվում է, որ մեկ տարուց ավելի է գործ ունենք ոչ թե փչացած մեքենաների, վատ ճանապարհների ու անհասանելի աղբավայրի հետ, այլև հարցն այլ դաշտում է, որի գնահատակը հավանաբար իրավապահները կտան:

Մնում է հավելել, որ չնայած Երևանի ավագանու «Լույս» խմբակցության ղեկավար Խաժակյանի՝ քաղաքային իշխանությունների կողմից ղեկավարվող սանմաքրման և աղբահանությամբ զբաղվելու համար ձևավորված հիմնարկի աշխատանքի մասին վատատեսական կանխատեսումների, այնուամենայնիվ, քաղաքային իշխանություններին հաջողվում է ապացուցել, որ ամեն ինչ ոչ միայն հստակ կառավարվում է, այլև զրոյից քաղաքի կառավարման մոդելի հիմքն է դրվում, որպեսզի այլևս հնարավոր չլինի քաղաքապետարանի բյուջեի հաշվին թիթեռի կյանք ունեցող ծառ ու ծաղիկ աճեցնող ՍՊԸ-ներով գումարներ լվանալ, ինչը, բնական է, որ շատերին դուր չի գա:

 

Արմինե Գրիգորյան

Մանկապարտեզում հայտնաբերվել է «Զինվորի բաժին. վաճառքի ենթակա չէ» մակնշմամբ թթվասեր Երևանում տեղի է ունեցել Եվրոպական ֆիլմերի երկրորդ փառատոնի բացման արարողությունը Ամենաժամանակակից և ամենամեծ արևային էլեկտրակայանը Հայաստանում Դոլարի փոխարժեքն աճել է. եվրոն էժանացել է ՊՆ-ում կազմակերպվում են «1991 ստորաբաժանումում» ծառայություն անցնելու համար նախապատրաստական դասընթացներ Եղանակը՝ Հայաստանում Վազգեն Մանուկյանը հրաժարական է տվել Հանրային խորհրդի նախագահի պաշտոնից էներգետիկ անվտանգության գոտիներում կառուցապատման խախտումները վերացնելու հարցով Լոռու մարզի դատախազը դիմել է մարզպետին Երկրի թիվ մեկ «թամադայի» վերածված մարդը հումանիտար առարկաներ ուսումնասիրողներին անվանում է «թամադա». Աշոտյան Արշակ Փոլադյանը նշանակվել է Թունիսում ՀՀ դեսպան «Պարոն վարչապե՛տ, երկրիդ գիտնականները մնացել են լուսանցքում. մեր աշխատավարձն էլ դարձրեք 1,5 մլն»․ ԵՊՀ դասախոս Ջոկովիչը պարտվել է ՊԱՏՄՈՒԹՅԱՆ ԱՅՍ ՕՐԸ (13 ՆՈՅԵՄԲԵՐԻ)․ Ահաբեկչությունների շարք Փարիզում, երկրաշարժ՝ Հայաստանում Կենդանակերպի որ նշանների տակ ծնվածները որտեղ են սիրում հանգստանալ ձմռանը Դիլիջանի անտառում հրդեհ է բռնկվել. 5 ժամ է պահանջվել այն մարելու համար (ֆոտո) «Անցյալի տոտալ ժխտումը խանգարում է կառուցել ապագան». ինչո՞ւ են տեղի ունենում նման ճնշումներ Ուսանողները եւ ՀՅԴ երիտասարդները իրազեկման հերթական երթով շարժվում են նախարարությունների շենք (ուղիղ) Որքանո՞վ են նվազել ՀԱՊԿ-ում ՀՀ մշտական ներկայացուցչի դրամական միջոցները. «Փաստ» Երբ քաղաքացու ձայնը լսելի է. «Փաստ» Որպես մեծահոգի մարդ Արարատ Միրզոյանի օգնական Վահան Կոստանյանին մի խորհուրդ տամ
website by Sargssyan