Արծրուն Հովհաննիսյանը ռազմագերու և հրամկազմի միջև խնդիրների վարկածը հերյուրանք է համարում

Ադրբեջանական տարածքում հայ զինվորի հայտվելու հանգամանքների մասին հայկական կողմից դեռևս որևէ պաշտոնական տեղեկություն չկա, սակայն հայկական մամուլն ակտիվ սկսել է շրջանառության մեջ դնել ադրբեջանական քարոզչամեքենայի կողմից հրապարակված տեղեկությունները:

Հիմնականում առանց լուրի իսկությունը ստուգելու, հերթական անգամ մեծագույն ջանասիրությամբ տիրաժավորվում է ադրբեջնական կողմի հրապարակած թեզերը, առանց հաշվի առնելու թե դրանով ինչ վնաս կարող են հասցնել թե՛ ռազմագերուն, թե՛ նրա հարազատներին:

Մեդիափորձագետ Սամվել Մարտիրոսյանն անդրադառնալով օրերս ռազմագերու կարգավիճակով Ադրբեջանում հայտնված զաինվորի մասին հայկական լրատվամիջոցների հրապարակումների մեջ տեղ գտած սխալներին նշեց, որ հայկական ԶԼՄ-ները թեև պետք է տեղեկացնեն հայ ընթերցողին, թե ինչ թեզեր է տարածվում ադրբեջանական քարոզչամեքենայի կողմից, բայց չպետք է դառնան նույն այդ քարոզչամեքենայի զոհը: Բացի այդ, հայկական լրատվամիջոցները չպետք է ադրբեջանական կողմի տարածած նկարները հայկական մամուլում տարածեն, առավել ևս՝ առանց զինվորի դեմքը փակելու:

«Ես կարծում եմ, որ խնդիրների մասին պետք է բարձրաձայնել, սակայն պետք է հիշել նաև, որ այս պահին մենք Ադրբեջանում ունենք ռազմագերի, իսկ միջազգային կոնվենցիաներով հասարակական հնչեղությունից ելնելով չի կարելի ռազմագերու մասին տեղեկություններ հայտնել, այդ թվում՝ դեմքը ցուցադրել: Դա միջազգային օրենսդրության պահանջ է: Մյուս կողմից, դեպքից արդեն իսկ անցել է 24 ժամից ավել և այս ընթացքում իշխանությունները որևէ հստակ տեղեկություն չեն տրամադրում լրատվամիջոցներին, նաև ակտիվ չեն աշխատում լրատվամիջոցների հետ, լռություն են պահպանում, ինչը ևս լավ չէ»,- ասաց Ս. Մարտիրոսյանը:

Լռությունը խախտելու և զորամասի հրամանատարության հետ խնդիրներ ունենալու մասին հայկական մամուլում տարածված վարկածի մասին տեղեկություն ստանալու համար Orer.am-ը կապ հաստատեց նաև ՀՀ ՊՆ մամուլի խոսնակ Արծրուն Հովհաննիսյանի հետ:

«Ես չեմ ցանկանում մամուլում հրապարակված հերյուրանքներին պատասխանել: Կարծում էի, որ մեր լրատվական դաշտը և «փորձագիտական» շրջանակները արդեն ունեն որոշակի փորձ, իմունիտետ և հետևում են որոշակի խելամտության կանոններին: Սակայն, ամեն անգամ նման դեպքերը լարում են առաջացնում մեր միջավայրում և ջրի երես հանում ինքնահաստատվողներին, անգիտակիցներին ու կոնկրետ քայքայիչ գործունեություն ծավալողներին: Զինվորի իբր հրամանատարության հետ խնդիրների պատճառով փախնելու, ոչնչով չհիմնավորված վարկածով խեղում եք, և' իր, և' հրամանատարների ճակատագիրը: Շատ բան կասեի, բայց երևի այսքանն էլ բավ է: Երբեմն ուղղակի լռեք, դա լավագույն լուծումն է»,- ասաց Ա. Հովհաննիսյանը:

 

Արմինե Գրիգորյան

Մանկապարտեզում հայտնաբերվել է «Զինվորի բաժին. վաճառքի ենթակա չէ» մակնշմամբ թթվասեր Երևանում տեղի է ունեցել Եվրոպական ֆիլմերի երկրորդ փառատոնի բացման արարողությունը Ամենաժամանակակից և ամենամեծ արևային էլեկտրակայանը Հայաստանում Դոլարի փոխարժեքն աճել է. եվրոն էժանացել է ՊՆ-ում կազմակերպվում են «1991 ստորաբաժանումում» ծառայություն անցնելու համար նախապատրաստական դասընթացներ Եղանակը՝ Հայաստանում Վազգեն Մանուկյանը հրաժարական է տվել Հանրային խորհրդի նախագահի պաշտոնից էներգետիկ անվտանգության գոտիներում կառուցապատման խախտումները վերացնելու հարցով Լոռու մարզի դատախազը դիմել է մարզպետին Երկրի թիվ մեկ «թամադայի» վերածված մարդը հումանիտար առարկաներ ուսումնասիրողներին անվանում է «թամադա». Աշոտյան Արշակ Փոլադյանը նշանակվել է Թունիսում ՀՀ դեսպան «Պարոն վարչապե՛տ, երկրիդ գիտնականները մնացել են լուսանցքում. մեր աշխատավարձն էլ դարձրեք 1,5 մլն»․ ԵՊՀ դասախոս Ջոկովիչը պարտվել է ՊԱՏՄՈՒԹՅԱՆ ԱՅՍ ՕՐԸ (13 ՆՈՅԵՄԲԵՐԻ)․ Ահաբեկչությունների շարք Փարիզում, երկրաշարժ՝ Հայաստանում Կենդանակերպի որ նշանների տակ ծնվածները որտեղ են սիրում հանգստանալ ձմռանը Դիլիջանի անտառում հրդեհ է բռնկվել. 5 ժամ է պահանջվել այն մարելու համար (ֆոտո) «Անցյալի տոտալ ժխտումը խանգարում է կառուցել ապագան». ինչո՞ւ են տեղի ունենում նման ճնշումներ Ուսանողները եւ ՀՅԴ երիտասարդները իրազեկման հերթական երթով շարժվում են նախարարությունների շենք (ուղիղ) Որքանո՞վ են նվազել ՀԱՊԿ-ում ՀՀ մշտական ներկայացուցչի դրամական միջոցները. «Փաստ» Երբ քաղաքացու ձայնը լսելի է. «Փաստ» Որպես մեծահոգի մարդ Արարատ Միրզոյանի օգնական Վահան Կոստանյանին մի խորհուրդ տամ
website by Sargssyan