ԵՊՏՀ-ում պայքարը գիտական նվաճումը նսեմացնելու, թե՞ աթոռի համար է

Շատերին թվում է, որ հասարակության մեջ որոշակի դիրք գրավելու համար եթե աթոռ, պաշտոն, ինչ-որ մակնիշի գոլդ համարներով մեքենա, դուռ բացող-փակող չկա, ուրեմն` կյանքը կյանք չէ, քանի որ ինչ-որ բան չի համաընկնում սեփական անձը բոլորից առավել դասելու սեփական պատկերացումների հետ:

Եթե մարդը տեսակով կարիերիստ է սկսում է պայքարել պաշտոնի համար, որի հետ որպես բոնուս տրվում են նաև թվարկված բարիքներից օգտվելու հնարավորություններ: Իսկ եթե կարիերիստ չէ և աթոռը, պաշտոնը, գոլդ համարներով ավտոմեքենան ու դուռ բացող-փակող ունենալը համարում է ավելորդ գլխացավանք, շարունակում է իր գործն անել ու սեփական աշխատանքի շնորհիվ հասարակության շրջանում ձեռք բերել թե՛ վստահություն, թե՛ հարգանք, թե՛ այն ամենը ինչ ուզում է ունենալ:

Շատերին թվում է նաև, որ գիտական կոչումներ ստանալու համար որոշակի տարիք ու պինդ տանիք ունենալ է պետք: Հակառակ դեպքում գիտական աստիճանը այն կշիռը չի ունենա, ինչը հարկավոր է, իսկ զբաղեցրած պաշտոնն էլ՝ կշռից զուրկ մի բան:

Այսօրինակ երևույթները ինչպես շատ այլ արատավոր երևույթներ ժառանգություն ենք ստացել խորհդային տարիներից: Ու թեև շատերը վաղուց հրաժարվել են նման մտածելակերպից, բայց դեռ կան մարդիկ, ում համար օդ ու ջրի նման անհրաժեշտ է, որ իրենց անվան ու ազգանվան կողքին նաև ինչ-որ պաշտոն նշվի, այլապես իրենք իրենցից խորը կվիրավորվեն:

Հիմա, երբ ողջ աշխարհում գիտական տարբեր ուղղություններ խելահեղ արագությամբ զարգանում են, և շատ անգամ, նույնիսկ ժամանակ չի լինում տեղեկանալ, թե այս կամ այն գյուտի հեղինակն ով է, հայաստանյան իրականությունում գիտական կոչումներ ունեցողները սեփական գյուտով հպարտանալու փոխարեն շարունակում են աթոռի մասին երազել: Ստացվում է, որ դա է այն միակ նշաձողը, որով կարող են հպարտանալ, քանի որ նրանց համար կարևորը ոչ թե գիտության ասպարեզում նոր միտք կամ հայտնագործություն անելն է, այլ պաշտոն ունենալը:

Երևանի պետական տնտեսագիտական համալսարանի ռեկտորի պաշտոնակատար Ռուբեն Հայրապետյանի շուրջ սկսված ու շարունակվող իրադարձություններն, իրականում դրա վառ ապացույցն է: Այն որ բուհը վաղուց սպառել էր իրեն և այլևս չէր կարողանում երկրի համար ավելացած արժեք ստեղծել՝ երկու կարծիք չկա, բայց որ բուհի բարեփոխումները կարող են այդքան բուռն ընթանալ, մի փոքր հիասթափեցնող է: Առավել ևս, երբ այն ընթանում է ինչ-որ մեկի կողմից՝ բուհի ռեկտոր դառնալու ցանկության իրացմամբ:

Այս մասին, ի դեպ, լրագրողներին հայտնել է ՀՀ կրթության, գիտության, մշակույթի և սպորտի նախարար Արայիկ Հարությունյանը և նշել, որ իրականում այդ աթոռին հավակնողի կողմից փորձ է արվում մեկ բաժակ ջրում փոթորիկ սարքել, թեև, իրականում, բուհում ամեն ինչ նորմալ է, իսկ ռեկտորի պաշտոնակատարն՝ իր տեղում:

Ստացվում է, բուհում ընթացող պայքարն ընդամենը աթոռի համար է, իսկ գիտական թեզի շուրջ սկսված բանավեճը՝ լոկ շահարկում: Հակառակ դեպքում ավագ սերնդի ներկայացուցիչներն իրենց փորձով ու վաստակով կկանգնեին ռեկտորի պաշտոնակատարի կողքին, որպեսզի բուհը մեկ օր առաջ կայանա, ոչ թե ջանք ու ժամանակ կտրամադրեին ատենախոսության մեջ բացեր գտնելու և դրա շուրջ քննարկումներ ծավալելու համար:

Ամեն դեպքում, ըստ ռեկտորի պաշտոնակատարի՝ բուհում բավական փոփոխություններ են տեղի ունեցել, որոնք ըստ ռեկտորի պաշտոնակատարի կերևան ուսումնական տարվա առաջին իսկ օրերից, որին, պարզվում է, երկար տարիներ սպասել են բուհի ուսանողները: Իսկ շահարկումները կշարունակվեն այնքան ժամանակ, քանի դեռ դրանով հետաքրքվող կա, ինչը, կարծես, այնքան էլ չի հուզում ռեկտորի պաշտոնակատար Ռուբեն Հայրապետյանին, քանի որ նա ժամանակը ծախսում է ոչ թե շահարկումներին պատասխանելու, այլ բուհը զարգացնելու վրա, ինչն ավելի կարևոր է, քան ատենախոսության մեղ հղումների բացակայության թեման:

 

Արմինե Գրիգորյան

Թրամփը պետք է հետեւի Սենատի օրինակին եւ ճանաչի Հայոց ցեղասպանությունը․ Սամանտա Փաուեր Մնացականյանի հետ բանակցություններում քննարկվում են «կոնկրետ եւ իրական պահեր»․ Մամեդյարով Սենատոր Ռոբերտ Մենենդեսը, խոսելով Հայոց ցեղասպանության մասին, չի կարողացել թաքցնել արցունքները Շիրակի փողոցի 88/1 շենքի բնակիչները բողոքի ցույց են անում․ պնդում են՝ անմարդկային պայմաններում են ապրում Ոստիկանները երեք միլիոն դոլար են գտել խոզի հում թիակներով տակառի մեջ ԱՄՆ Սենատը միաձայն ընդունել է Հայոց ցեղասպանության ճանաչման բանաձեւը Առողջապահության նախարարությունը Արտյոմ Սմբատյանի ապօրինի պաշտոնավարման մեղքը բարդում է վարչապետի վրա.«Փաստինֆո» ՀՀ ԶՈՒ պատվիրակությունը մեկնել է ՌԴ Ոստիկանները բացահայտել են Դիլիջանում հրազենի գործադրմամբ տեղի ունեցած դեպքը Թունավորում` Փարաքարում ԱԺ պատգամավորները հավանության են արժանացրել ավելի քան 120 մլն եվրոյի վարկային համաձայնագրերի վավերացումը Ազգային ժողովը հավանություն տվեց մի շարք օրենսդրական փոփոխությունների Հայաստանին կտրամադրվի 45,8 մլն եվրո վարկ. ֆիննախ Կալանավորված կոռուպցիոներների բացակայությունը ոստիկանությունում եւ ԱԱԾ-ում մտորելու տեղիք է տալիս. իրավապաշտպան ՀՀ-ի հայտը՝ ՅՈՒՆԵՍԿՕ-ի Մարդկության ոչ նյութական մշակութային ժառանգության ներկայացուցչական ցանկում Ստեղծվել է ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով Դոլարի փոխարժեքը նվազել է Կարդացեք հայ գրականություն, այն կարդալու համար է, ոչ թե Կիբեռնետիկայի ֆակուլտետում դասավանդելու․ Փաշինյան Արտակ Դավթյանը մեկնել է Սանկտ Պետերբուրգ «Նիկոլի այսօրվա հայտարությունը հող է նախապատրաստում կադրային նոր ջարդի համար»
website by Sargssyan