Պաշ­տո­նյա­նե­րին` հաց, իսկ ժո­ղովր­դին` ան­կապ տե­սա­րան­ներ. «Փաստ»

«Փաստ» օրաթերթը գրում է.

Ժողովրդին պետք են հաց և տեսարաններ: Սա հայտնի հին հռոմեական ասացվածք է, որը բոլոր ժամանակներում արդիական է: Երբ Հին Հռոմում հնարավոր չէր լինում ժողովրդին ապահովել հացով, ապա նրան զբաղեցնում էին բազմապիսի տեսարաններով` գլադիատորական մենամարտեր, «երրորդ աշխարհի» երկրների արքաների թագադրություններ կամ անվճար օրգիաներ: Այդ տրամաբանությամբ են, թերևս, փորձում շարժվել այսօր Հայաստանի մեծ ու փոքր պաշտոնյաները: Ազգային ժողովի «Իմ քայլը» խմբակցության պատգամավոր Հռիփսիմե Գրիգորյանի նախաձեռնությամբ Վարդավառի տոնը նախատեսվում է նշել գորգերի լվացման արարողությամբ:

Ընդ որում` գորգելի լվացման արարողությունը տեղի է ունենալու Ազգային ժողովի բակում և Բաղրամյան պողոտայում: Թե ի՞նչ կապ ունի Վարդավառի տոնը գորգեր լվալու հետ, ընդ որում՝ ԱԺ բակում, կարող են պատասխանել միայն նման «հանճարեղ» գաղափարի հեղինակները:

Միջոցառումը կսկսվի հուլիսի 28-ին, առավոտյան ժամը 10:00-ին, Բաղրամյան պողոտայում գորգերի լվացման արարողությամբ, այնուհետև Վարդավառի տոնը կազդարարվի ջրոցիով, բայց ոչ միայն:

Մասնավորապես, նախատեսված է, որ ԱԺ այգում ամբողջ օրվա ընթացքում կցուցադրվեն «Թուֆենկյան գորգ», «Մեգերյան կարպետ» և Հայկական գորգի ազգային կենտրոնի կողմից ներկայացվող հայկական ձեռագործ գորգեր, կանցկացվեն գորգագործության վարպետաց դասեր, զրույց՝ գորգերի մասին, խաղ, իսկ երեկոյան էլ՝ համերգ: 

Դժվար չէ նկատել, որ միջոցառման կազմակերպիչները հատուկ նպատակ են ունեցել, գուցե, գովազդելու հայկական գորգերը: Դրանում որևէ վատ բան չկա, սակայն ինչո՞ւ են նման գաղափարները աղավաղվում հենց սկզբնաղբյուրում, այսինքն՝ մտահղացողի հենց ուղեղում, և ինչո՞ւ են նման միջոցառման համար հատուկ պահպանվող, պետական խորհրդանիշ հանդիսացող տարածքներ տրամադրվում:

Եթե ժողովրդին հացով ապահովելու հարցում կառավարման գիտելիքներ և հմտություններ են պետք, ապա տեսարաններ մատուցելու հարցում ևս պետք է բավական ինտելեկտ և ճաշակ ունենալ:

Եթե խնդիր կա փոխկապակցված բիզնեսների առաջխաղացմանը նպաստել, ապա դա արեք ձեր անձնական միջոցներով, հարգելի՛ պատգամավորներ, այլ ոչ թե ժողովրդի հաշվին:

Եթե երկրի խորհրդարանի բակում կարելի է գորգեր լվանալ, ապա գուցե առաջիկայում Հանրապետության հրապարակում, կառավարության շենքի առջև բուրդ լվանալու միջոցառում կազմակերպվի՞: Ի՞նչ վատ գաղափար է: Հրապարակի շատրվանները լիովին հարմար են այդ արարողության համար, իսկ ներքնակներից ու վերմակներից հանված բուրդը կարելի է փռել հենց հրապարակի գորգի վրա: Շուտով մոտենում է «զակատի» սեզոնը, կարելի է Երևանի տարբեր հուշարձանների անմար կրակների վրա եփել և պահածոյացնել պտուղ-բանջարեղենը: 

Կստեղծվի արևել յան համ ու հոտով մի չքնաղ կոլորիտ, որն անկասկած կգրավի զբոսաշրջիկների ուշադրությունը: Այդպես կխթանվի ոչ միայն ազգային արժեքների պահպանումը, այլև զբոսաշրջությունը:

Իսկ եթե ավելի լուրջ, ապա ականատես ենք դառնում պարզամիտ տոնակատարությունների, երբ չկարողանալով ընտրողին և ժողովրդին ներկայացնել ի պաշտոնե ստանձնած աշխատանքի արդյունքներ, փորձում են նման «հանճարեղ» գաղափարներով հանրությանը զվարճացնել, մոռացնել առկա խնդիրները: 

Սա Մաշտոցի պողոտայում խորոված անելու մշակույթի անշեղ շարունակությունն է, սա մի մշակույթ է, որը գալիս է ոչնչացնելու իսկապես ազգային տոներն ու տոնակատարությունները, որոնք իրենց մեջ խորը բովանդակություն և արժեք են պարունակում: Բայց այստեղ էականը պետական պաշտոնյաների` իրենց տեղում լինել-չլինելու խնդիրն է:

Որքան շատ են պատգամավորները փորձում «ժողովրդահաճո» նախաձեռնություններով հանդես գալ, այնքան շատ են վարկաբեկվում նույն ժողովրդի աչքում, քանի որ այսօր մարդկանց ավելի շատ պետք է հաց, քան տեսարաններ:

Երբ «տնտեսական հեղափոխության» ու բազմաթիվ ոլորտներում բարեփոխումներ չեն կատարվում, երբ մարդկանց կյանքը «հեղափոխական» տեմպերով չի լավանում, ապա նման անճաշակ և անմիտ միջոցառումներով ժողովրդին զբաղեցնելու մոլուցքը խոսում է ոչ միայն ինտելեկտուալ կարողությունների բացակայության, այլև կատարյալ ցինիզմի մասին, որ դրսևորվում է սեփական հանրության նկատմամբ: Ամեն մեկը պետք է զբաղվի իր գործով, բայց այդ խնդիրը Հայաստանում ոչ միայն չի լուծվել, այլև ավելի է խորացել: Եթե պատգամավորի մտավոր մակարդակը դա է, ապա իսկապես թող գնա և գորգեր լվանալով զբաղվի, խորհրդարանը բոլորովին այլ առաքելություն ունի, իմացեք ձեր տեղը վերջապես:

Մանրամասները՝ «Փաստ» օրաթերթի այսօրվա համարում

 

Վերջին օրերին սահմանին ընդհանրապես լարվածություն չկա. Գաբրիել Բալայան Բանակցությունները դեռ չեն ավարտվել․ Մհեր Գրիգորյանը՝ գազի գնի մասին «Մարդիկ պատկերացնում են համերգ վարչապետի հայտերով»․ Փաշինյանը՝ Սերժ Սարգսյանի քրգործի մասին Պոլսո Հայոց պատրիարքի ընտրության 1-ին փուլում, նախնական տվյալներով, հաղթում է Սահակ Մաշալյանը Պատվերով համերգ չի. Փաշինյանը` Սերժ Սարգսյանի մեղադրանքի մասին «Այսօր փոթորիկ է լինելու. «Առաջին տիկինների ծնկների» միջազգային պրոտոկոլն ենք «ուսումնասիրելու»․ Աննա Հակոբյան Նիկոլ Փաշինյանն անդրադարձել է Սերժ Սարգսյանին առաջադրված մեղադրանքի արձագանքներին Ընդունվեց ծառայությունից նաև 5 տարի անց հաշմանդամության կարգ տալու օրինագիծը Մահվան ելքով վրաերթ` Երևանում. վարորդը դիմել է փախուստի ԱԺ-ն առաջին ընթերցմամբ ընդունեց զինծառայողին ինքնասպանության դրդելու պատիժը խստացնող օրինագիծը ՈՒՂԻՂ. Վարչապետը, նախագահն ու բարձրաստիճան պաշտոնյաներ Ծիծեռնակաբերդում են Առաջիկա շաբաթվա ընթացքում տեղումներ չունենք. Գագիկ Սուրենյան Օրվա խորհուրդ Այսօր Ցեղասպանության զոհերի հիշատակի եւ այդ հանցագործությունը կանխարգելելու միջազգային օրն է Ադրբեջանը բաց է թողել Ղարաբաղյան հակամարտությունը ուժային միջոցներով լուծելու հնարավորությունները. ռուս փորձագետ Կոշ համայնքում գործող համայնքի ղեկավարի հետ կապված անձինք ուղղորդում էին ընտրողներին. «Անկախ դիտորդ» Խանջյան փողոցում վիճաբանության մասնակիցներին «կարմիր բերետները» «փռել են ասֆալտին» Գեղարքունիքում 28-ամյա վարորդը բախվել է քարե շինության պատին, այնուհետեւ КаМАЗ-ին Խոշոր ավտովթար Արմավիրի մարզում. Ford Transit-ը հայտնվել է ջրատարի մեջ Արմավիրի մարզում գնացքը բախվել է ավտոմեքենային. 26-ամյա վարորդին բուժօգնություն է տրամադրվել
Ամանորյա նորաձևությունը 2020-ին. Ինչ պետք է հագնել տոներին՝ ըստ Ֆաինա Հարությունյանի «Լարվածությունից լրիվ փայտի եմ վերածվել»․ Լիլուն հարսանեկան պարից հատված է հրապարակել Խեցգետիններին հետաքրքիր օր է սպասվում․ դեկտեմբերի 9-ի աստղագուշակը «Ի՞նչ եք ուզում Ձմեռ պապիկից»․ Սիլվի Բարկովայի ամանորյա ֆոտոշարքը Հաջողության չինական հորոսկոպ․ 2020-ին ո՞ւմ են սպասվում բազում հաջողություններ Իսկական սուրբծննդյան հեքիաթ․ ինչպես է Քիմ Քարդաշյանը տոներին ընդառաջ զարդարել տունը (վիդեո) Կենդանակերպի նշաններ, որոնց հրաշք է սպասում 2020թ․ ամանորյա գիշերը Մարդու մարմնի 5 բույր, որոնք զգուշացնում են առողջական լուրջ խնդիրներ ունենալու մասին,պետք չէ անտեսել դրանք Կշեռքներին անախարժություններով լի օր է սպասվում․ Դեկտեմբերի 8-ի աստղագուշակը Զիրոյանին հանդիպեցի թատրոնի միջանցքում : Նրա մարդկային որակները նկատեցի վայրկյաններ անց
website by Sargssyan