ՍԴ նա­խա­գա­հի շուրջ օղա­կը սեղմ­վում է. Փա­շի­նյա­նը վերջ­նա­գիր է ներ­կա­յաց­նում. «Փաստ»

«Փաստ» օրաթերթը գրում է.

Սահմանադրական դատարանի նախագահ Հրայր Թովմասյանի շուրջ օղակը սեղմվում է: Նրա դեմ գործի են դրվել իրավապահները, որոնք, ըստ իշխանական մամուլի, ուսումնասիրում են Ազգային ժողովում Հրայր Թովմասյանի թույլ տված չարաշահումները: ՍԴ նախագահ Թովմասյանը 2014-2017 թթ.-ին եղել է ԱԺ աշխատակազմի ղեկավար-գլխավոր քարտուղարը: Իշխանական մամուլը գրում է, որ առաջիկայում Հրայր Թովմասյանին կարող է մեղադրանք առաջադրվել արդարադատության նախարար աշխատած տարիներին նրա թույլ տված չարաշահումների համար:

Նշվում է, որ նախարար աշխատած տարիներին Թովմասյանը սեփականաշնորհել է մի քանի նոտարական գրասենյակներ: Ինչ վերաբերում է Թովմասյանի խորհրդարանական շրջանին, այս դեպքում էլ նա կարող է լուրջ խնդիրների առաջ կանգնել: «ԱԺ աշխատակազմի ղեկավար աշխատած տարիներին նա ոչ միայն իր մտերիմներին է տարբեր պաշտոններում նշանակել կամ պարբերաբար գործուղումների է մեկնել կնոջ հետ, այլ նաեւ այլ չարաշահումներ է թույլ տվել»,- գրում է մամուլը:

Ինչևէ, ակնհայտ է, որ գործ ունենք իշխանությունների կողմից հստակ ուղղորդված գործընթացի հետ, երբ իրավապահներին ցուցում է տրված «փորփրել» Հրայր Թովմասյանի անցյալը, գտնել այնպիսի մեղքեր, որոնց հիման վրա նրան ոչ թե պարզապես հորդորեն լքել պաշտոնը, այլ ավելին՝ դատեն ու ուղարկեն բանտ: Սակայն առայժմ այնքան էլ լուրջ բաներ չեն հայտնաբերել, իսկ «մտերիմներին տարբեր պաշտոններում նշանակելու և կնոջ հետ գործուղումների մեկնելու» «հանցանքը» շատ ծանոթ պատկերներ է հիշեցնում բարձրագույն ղեկավարության այսօրվա կյանքից, ուստի մի փոքր զավեշտալի է ստացվում: Առհասարակ, գործող իշխանության համար նման զավեշտալի դեպքերը դարձել են սովորություն: «Օդում կախված լուրերի» հիման վրա մարդկանց հանցագործ են նշանակում, բայց չեն կարողանում ապացուցել ու բանտ նստեցնել: Արդյունքում հասարակության մեջ խորացվում է ատելության, անվստահության և անհանդուրժողականության մթնոլորտը: 

Որպես իրավիճակից ելք մոգոնում են «վեթթինգ», «անցումային արդարադատություն» ճոխ անուններով քայլեր, բայց հետո եվրոպական հեղինակավոր կառույցների կողմից «քթներին ուտում», որ այդ ամենը իրավաբանորեն անգրագետ որոշումներ են:

Ինչպես երևում է, Թովմասյանի չնահանջելն ու վերջին հարցազրույցը լրջորեն զայրացրել է վարչապետ Փաշինյանին: Թեև իշխանական մամուլն ամեն կերպ փորձում է Հրայր Թովմասյանի դեմ սկսված արշավը ներկայացնել որպես Սահմանադրական դատարանը նախկին իշխանությունների կապանքներից ազատելու և իսկապես ազատ դարձնելու անկեղծ ձգտում, միևնույն է, սա կոնկրետ քաղաքական հետապնդում է դատական իշխանության ներկայացուցչի նկատմամբ: Եթե նա իսկապես հանցագործություններ է արել նախկինում, նման կասկածներ կան, ապա ինչո՞ւ են իրավապահները հենց հիմա սկսում դրանով զբաղվել:

Կամ ինչո՞ւ են սկսել զբաղվել հենց միայն Հրայր Թովմասյանի անցյալով: Այստեղից կարելի է նաև մեկ այլ հետևություն անել: Իշխանությունը կոնկրետ գործարք է առաջարկում Հրայր Թովմասյանին` կա՛մ կամավոր հեռացիր, կա՛մ օր ու արև չենք տա, կդատենք:

Իրավապահ համակարգը, փաստացի, դարձել է քաղաքական գործիք Փաշինյանի ձեռքին։ Ով ցանկալի չէ գործող իշխանության համար, մեխանիկորեն հռչակվում է նախկին իշխանությունների հետ կապված կոռումպացված պաշտոնյա, ում պետք է ամեն գնով հեռացնել պաշտոնից, իսկ եթե կամավոր չի գնում, ապա գործ սարքել ու դատել: Ամենաապշելին այն է, որ ինչ-որ մեկի անցյալը «փորփրելու» միտք ծագում է միայն այն բանից հետո, երբ նա իշխանությունների կամակատար չի դառնում: Ումից ուզում են ազատվել, «միամիտ» ինչ-որ բան են հայտնաբերում։

Նմաններին «կարգի հրավիրելուց» զատ, սա մեսիջ է նաև մյուսներին, այն է՝ խելոք մնացեք, թե չէ հերթը ձեզ կհասնի։ Իսկ «խելոք մնալ», ըստ այս իշխանությունների, չի նշանակում անաչառ լինել, նշանակում է հլու կամակատար լինել:

Սա 360 աստիճանով նահանջ է ժողովրդավարությունից: Հեղափոխական գործողություններն, առհասարակ, ժողովրդավարական չեն, անցումային փուլում կարող են արվել ապօրինի շատ արարքներ, հետո անցումային արդարադատությամբ արդարացնել հանցագործներին, քանի որ նրանք ստիպված են դիմել ապօրինի քայլերի, ենթադրենք` ապստամբել են բռնապետի դեմ:

Այսինքն, եթե Փաշինյանը մտածում էր, որ կարելի է ապօրինի միջոցներով մարդկանց ստիպել հեռանալ պաշտոնից, դատարաններ շրջափակել, «վեթթինգ» անել, թե մեկ այլ բան, ապա դա պետք է աներ մինչև 2018թ. դեկտեմբերին տեղի ունեցած ընտրությունները, քանի որ այդ ընթացքում երկրում ամեն ինչն էր ապօրինի` փողոցներ փակելուց մինչև պետական շենքեր գրոհելը:

Բայց Փաշինյանը որոշեց գնալ օրինական ուղով, իր հեղափոխությունը հռչակեց «սիրո և հանդուրժողականության» հեղափոխություն:

Ըստ այդմ` նա նահանջել է արդեն դասական հեղափոխության գաղափարից: Նա կիսամիջոցների ուղին է ընտրել: Բայց անցած տարվա դեկտեմբերին տեղի ունեցած օրինական ընտրություններից հետո նա երդվել է ու պարտավոր է գործել` ըստ օրենքների և Սահմանադրության: Հեղափոխությունը ավարտվեց հենց այդ ընտրություններով: Հիմա խոսել հեղափոխության մասին, նշանակում է խոսել օրենքների և Սահմանադրության տրամաբանության դեմ: Իրականում ընտրությունը Փաշինյանինն է` կա՛մ գործել ըստ օրենքի, կա՛մ ինքնադատաստան տեսնել:

Միջին ուղի չկա: Կիսամիջոցների ուղին, որն ընտրել է Փաշինյանը, իրականում ո՛չ ժողովրդավարական է, ո՛չ էլ հեղափոխական:

Մանրամասները՝ «Փաստ» օրաթերթի այսօրվա համարում

 

Էտ հարեւանի պատմությունն է. հիմա վա՞տ է, որ Գյումրիում աշխուժություն է մտել, հետո էլ Վանաձորում կմտնի. Փաշինյան «Իմ քայլը» նիստ է հրավիրել. Օրակարգում ՍԴ-ի շուրջ ստեղծված իրավիճակն է (ուղիղ) Եղանակը Հայաստանում. որոշ շրջաններում եւ Երեւանում սպասվում է անձրեւ եւ ամպրոպ Կան թեկնածուներ, կքննարկեմ եւ որոշում կկայացնեմ. Փաշինյանը՝ ԱԱԾ նոր տնօրենի նշանակման մասին Գնալու ենք ճշմարտության հետևից. Նիկոլ Փաշինյանն անդրադարձավ Ամուլսարի խնդրին Լևոն Գալստյանը դեմքի լուրջ արտահայտությամբ գիտակցաբար զրպարտում է պետականամեդներին Արթուր Վանեցյանը հրաժարականի դիմում է ներկայացրել Այս տարվա 7 ամիսներին հիփոթեքային վարկերի ծավալն աճել է 90.5 տոկոսով Մահացել է «Բևեռլի-Հիլզ, 90210» սերիալի դերասան Բրայան Թերքը Թմրամիջոցների ապօրինի շրջանառության մեղադրանքով երկու անձ կալանավորվել է Պաշտպանական եզակի միջոցառում, որին ներգրավված կլինեն ողջ երկիրն ու յուրաքանչյուրը․ ՊՆ ԱԺ-ն առաջին ընթերցմամբ ընդունեց ակցիզային դրոշմանիշների խախտումների վերաբերյալ օրինագիծը Նիկոլ Փաշինյանի ասուլիսը՝ Վանաձորում. ՈՒՂԻՂ ԲՀԿ պատգամավորները Լեռնանիստում մասնակցել են 11 մետրանոց մետաղական խաչի օծման արարողությանը Առաջին ընթերցմամբ ընդունվեց երթևեկության խախտումները նկարելու և ոստիկանությանը փոխանցելու նախագիծը SoftConstruct-ը WCIT-ում կներկայացնի իր նորարարական տեխնոլոգիաները Արթուր Ալեքսանյանը որոշել է վնասվածքով մասնակցել եզրափակչին Կենդանակերպի 6 նշան, ում բարությունից օգտվում են շրջապատի մարդիկ Նավթի համաշխարհային գներն աճում են «Մանկական Եվրատեսիլ» մրցույթում Կարինան կներկայացնի Հայաստանը «Colours Of Your Dream» երգով (տեսանյութ)
Թեյը բարելավում է ուղեղի առողջությունը. հետազոտություն Գրավիչ․ Լիլիթ Հովհաննիսյանի նոր լուսանկարը Անահիտ Սիմոնյանն ընտանեկան լուսանկար է հրապարակել, իսկ ամուսնու դեմքի արտահայտությանն անգամ ուշադրություն չի դարձել Կիտրոնով թխվածքաբլթներ․ hամոզված եմ, որ այն կդառնա ձեր սիրելի բաղադրատոմսը, քանի որ շատ հեշտ է, էժան ու համեղ Պատրաստեք բլղուրով ամենահամեղ ուտեստ-աղցանը Կենդանակերպի 6 նշան, ում բարությունից օգտվում են շրջապատի մարդիկ Թեստ. Իմացեք ձեր անկախության աստիճանը Այծեղջյուրներին օրվա ընթացքում մի շարք անսովոր իրադարձություններ են սպասվում․ սեպտեմբերի 16-ի աստղագուշակը Վերադարձրեք Ձեր ոսկե և արծաթե զարդերի սկզբնական փայլը այս պարզ մեթոդի օգնությամբ Դու հասկանում ես, որ երջանիկ ես այն ժամանակ, երբ նա է երջանիկ. 5 հոգեբանական մեթոդ՝ հասկանալու համար, որ նա «քո մարդն» է...
website by Sargssyan