ՀՀԿ-ն սկսել է ինքն իրեն մերժել

«Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին Եվրոպայի խորհրդի կոնվենցիային» միանալու պայմանագիրը ստորագրվել է 2011 թվականին Ստամբուլում, իսկ 2014-ի օգոստոսի 1- ից այն մտել է ուժի մեջ:

Մի շարք երկրներում Ստամբուլյան կոնվենցիան հայտարարվել է որպես հակասահմանադրական: Բուլղարիայի Սահմանադրական դատարանը ևս այն պաշտոնապես հակասահմանադրական է ճանաչել:

2017 թվականի հունիսի դրությամբ կոնվենցիան ստորագրվել է 44 երկրների և Եվրամիության կողմից: 2012 թվականի մարտի 12-ին Թուրքիան առաջին է վավերացրել, որին հաջորդել են 27 այլ երկրներ: 2013-17 թվականների ընթացքում այն ընդունվել է Ալբանիայի, Անդորայի, Ավստրիայի, Բելգիայի, Բոսնիա և Հերցեգովինայի, Կիպրոսի, Դանիայի, Ֆինլանդիայի, Էստոնիայի, Ֆրանսիայի, Վրաստանի, Գերմանիայի, Իտալիայի, Մալթայ, Մոնակոյի, Մոնտենեգրոյի, Նիդեռլանդների, Նորվեգիայի, Լեհաստանի, Ռումինիայի, Պորտուգալիայի, Սան Մարինոյի, Սերբիայի, Սլովենիայի, Իսպանիայի, Շվեդիայի և Շվեյցարիայի կողմից:

Եվրամիության մյուս երկրների կողմից այն միանշանակ չի ընդունվեում և շատ երկրներ այն վավերացնել  առայժմ չեն պատրաստվում: Հայաստանի կառավարությունը կոնվենցիայի ստորագրմանը հավանություն է տվել 2017 թվականի դեկտեմբերի 28-ի կառավարության նիստի ժամանակ, երբ վարչապետի պաշտոնը զբաղեցնում էր Կարեն Կարապետյանը: Նիստի ժամանակ հարցը ներկայացրել է Դավիթ Հարությունյանը, որը զբաղեցնում էր ՀՀ արդարադատության նախարարի պաշտոնը:

Կարճ ասած՝ 2017-ը Հայաստանում ՀՀԿ-ի կառավարման բուռն ու կայուն տարիներ էին համարվում, երբ որևէ մեկի մտքով անգամ չէր կարող անցել, որ կգա մի օր, երբ առաջիկա 40 տարիներին ՀՀԿ-ն այլևս չի լինի իշխանություն, որ այլևս չի լինի երկրի ղեկին, չի ղեկավարի երկիրը Մելիք Ադամյան փողոցից ու առանց այդ փողոցով անցնելու հնարավոր կլինի որևէ հարց լուծել:

Այդ տարիներին հանրապետականներն ամեն կերպ համոզում էին, որ իրենց կողմից ընդունված բոլոր որոշումները ճիշտ ու տեղին են: Բայց, չգիտես ինչու, այսօր իրենց իսկ ընդունած որոշումներին որոշել են դեմ գնալ ու հասարակությանը համոզել, որ, օրինակ, «Կանանց նկատմամբ բռնության և ընտանեկան բռնության կանխարգելման ու դրա դեմ պայքարի մասին Եվրոպայի խորհրդի կոնվենցիան» հակապետական է, ազգակործան և հակասահմանադրական:

ՀՀԿ-ականներն ու ՀՀԿ-ամերձ շրջանակները իշխանափոխությունից հետո շատ հարցերում են իրենք իրենց հակասում: Հիմա էլ մեկը մյուսին հերթ չտալով իրենց իսկ կողմից ստորագրած ու հավանության արժանացրած կոնվենցիան մերժելու օգտին են արտահայտվում:

Հարց է ծագում, թե այն ժամանակ ինչու այդքան ակտիվորեն չէին քննադատում իրենց կողմից վավերացված ազգակործան փաստաթղթերը, այն ժամանակ ինչու էին  լռում ու չտեսնելու տալիս ամեն ինչ: Ո՞վ էր իրենց ձեռքը բռնել, որ ընդհանրապես նման կոնվենցիաների չմիանային: Իսկ  հիմա, հավանաբար օգտվելով հասարակության կարճ հիշողությունից, նույն ՀՀԿ-ականները ասում են, որ պետք է ամեն ինչ անել, որ կառավարությունը կոնվենցիան չբերի Ազգային Ժողով:

Ստացվում է, որ ՀՀԿ-ն ինքն իրեն հակասելով ուզում է պատրանք ստեղծել, թե ինքը որևէ կապ չունի այդ կոնվենցիայի հետ: Մինչդեռ, մնացած շատուշատ հարցերի նման այդ հարցը ևս գունավոր ժապավենով կապել են երկրի վզին, հանգիստ գնացել են ու հիմա էլ հեռվից սկսել են իրենք իրենց քննադատել: Բայց, եթե ավելի ազնիվ լինեին, նախ իրենց սխալների մասին կխոսեին, ոչ թե գունավոր ժապավենով երկրի վզին փաթաթած բազում խնդիրներ կբարդեին նոր իշխանությունների վրա:

 

Արմինե Գրիգորյան

Ժամանակավորապես կդադարեցվի Վանաձորի և Սևանի որոշ թաղամասերի գազամատակարարումը Փաշինյանը պարզաբանել է, թե ինչու է որոշվել քննարկել նոր ՇՄԱԳ իրականացնելու անհրաժեշտությունը Դավիթ Անանյանն արձանագրել է Գյումրիում ԱՏԳ սպասարկման կենտրոնի կառուցման գործում առաջընթացը Մրցաշարին մասնակցել են 30 դատապարտյալներ. ՔԿԾ Քննչական կոմիտեն «Լիդիան Արմենիայի» փաստաբա՞ն Նիկոլ Փաշինյանը շնորհավորական ուղերձ է հղել Ամենայն Հայոց Կաթողիկոսին՝ ծննդյան տարեդարձի առթիվ Արմեն Գիչյանը նշանակվել է նախագահի խորհրդական 3-4 բալ ուժգնությամբ երկրաշարժ՝ Աշոցք գյուղից 9 կմ հյուսիս-արեւելք. հետեւել է 2.2 մագնիտուդով մեկ հետցնցում «Ձյունիկ սառնարան» ՍՊԸ-ի պահեստներում բռնկված հրդեհը չի մարվում արդեն 3-րդ օրը Սերժ Սարգսյանը հեռախոսազրույց է ունեցել Ամենայն Հայոց Կաթողիկոսի հետ Կառավարությունն Ամուլսարի հարցով եզրակացությունն ուղարկում է Շրջակա միջավայրի նախարարություն Եղանակը՝ Հայաստանում Շարունակում ենք աշխատել այս խիստ կարևոր թեմայի վրա. Փաշինյանը Ամուլսարի հարցով խորհրդակցություն է անցկացրել Կոմիտասի պողոտայում վրաերթի են ենթարկել 60-ամյա կնոջը. նրա վիճակը կայուն ծանր է Սիրելիներս, խորը շունչ քաշեք ու հանգստացեք․ Մարիամ Փաշինյան Հափշտակման նոր դեպք է բացահայտվել ՊՆ-ում. ավելի քան 21 մլն դրամ է վատնվել․ ԱԱԾ Ամուլսարի շահագործման վերաբերյալ ԲՀԿ տեսակետը՝ նախորդ իշխանությունների օրոք Արոնյանը պարտվեց ՈՒՂԻՂ. Ընթանում է Սասնա ծռերի գործով դատավարությունը Բնությանը պատճառվել է ավելի քան 1.188.834 ՀՀ դրամի վնաս. հարուցվել է քրեական գործ
website by Sargssyan