Հերթով բացահայտվում են իրական հակահեղափոխական ուժերը

Արցախյան կուսակցությունները սկսել են միմյանց դեմ պայքարել ոչ միայն սպասվող նախագահական ընտրությունների, այլև ՀՀ վարչապետի հենարանը դառնալու համար: Հիշեցնենք, որ ավելի վաղ Նիկոլ Փաշինյանը արցախցիներին կոչ էր արել առաջիկա ընտրությունների ժամանակ աջակցել միայն այն ուժերին, որոնք հանդես են գալիս Հայաստանի ժողովրդի լեգիտիմ ներկայացուցիչը հանդիսացող կառավարությանն աներկբա աջակցության դիրքերից։

Այս հայտարարությունից հետո պայքարի են ելել այն քաղաքական ուժերը որոնք ոչ վաղ անցյալում հայտարարում էին, թե Հայաստանում թավշյա հեղափոխություն չի եղել: Բայց հիմա, երբ Հայաստանում կարծես թե ամեն ինչ իր հունով առաջ է շարժվում, արցախյան պառլամենտական ու ոչ պառլամենտական ուժերը իրար հերթ չտալով փորձում են հաճոյանալ ՀՀ վարչապետ Փաշինյանին, մոռացության տալով, թե ընդամենը վեց ամիս առաջ ինչ էին հայտարարում: 

Օր օրի նոր իրողություններ են ի հայտ գալիս ու ավելի են խճճում ռեալ իրականությունը: Եվ այս պայմաններում դժվար է տարանջատել, թե Արցախում ո՞ր քաղաքական կուսակցությունն է այն իրական ուժը, որը երբեք ոչ դեմք է փոխել, ոչ էլ ասելիք: Ամեն դեպքում արձանագրենք, որ նոր իշխանություններին սիրաշահելու մրցավազքի առաջմարտիկներից է նախկին վարչապետ, «Ազատ Հայաստան» կուսակցության ղեկավար Արայիկ Հարությունյանը, որը նշեց, թե պաշտպանում է ՀՀ-ում իրականացվող բարեփոխումները:

Հաջորդը՝ Նիկոլ Փաշինյանին ու նոր իշխանություներին սատարելու հավատարմության կոչ հնչեցրեց Արցախի «Ազատ Հայրենիք» կուսակցությունը, մոռացության տալով ԱԺ Հայրենիք խմբակցության անդամ Ռուդիկ Հյուսնունցի ընդամենը ամիսներ առաջ արտահայտած այն միտքը, թե Հայաստանում հեղափոխություն տեղի չի ունեցել, իսկ հեղափոխությունից վեց ամիս հետո հակահեղափոխական լուրջ քայլեր են լինելու:

Ու թեև Նիկոլ Փաշինյանն իր հայտարարության ժամանակ հակահեղափոխականների անուններ չտվեց, բայց չի բացառվում, որ հենց այս քաղաքական ուժին նկատի ուներ: Չի բացառվում նաև, որ հակահեղափոխական օջախ ձևակերպման ներքո ՀՀ վարչապետը իշխանական բոլոր կուսակցություններին նկատի ուներ, քանի որ բոլորովին վերջերս նրանք առանց երկմտելու, միահամուռ կերպով ստորագրել էին ՀՀ երկրորդ նախագահ Ռոբերտ Քոչարյանին ազատելու միջնորդագրի տակ:

Հիմա հարց՝ այս մրցավազքում ՀՀ իշխանություններն ինչպե՞ս են կարողանալու թացը չորից տարբերել: Բացի այդ, քաղաքական հենարան ընտելիս արդյո՞ք հաշվի կառնեն, թե «սատարելու» մասին հայտարարություններից առաջ կուսակցություններն ինչ քայլեր են ձեռնարկել ու իրականացնել, թե՞ կառաջնորդվեն այլ չափանիշներով և կնախընտրեն այն քաղաքական ուժին, որը մշտապես գործել է ի նպաստ երկրի ու ժողովրդի:

 

Արմինե Գրիգորյան

ԱՄՆ-Իրան հարաբերությունները ծայրաստիճան լարված են. VOA Ավազակային հարձակման, բռնաբարության համար դատապարտված ոստիկանը փորձել է փախուստի դիմել «Նուբարաշեն» ՔԿՀ-ից Վրաերթ՝ Գյումրիում․ տուժածը 15 տարեկան է Նիկոլ Փաշինյանն ինքնաբացարկ հայտնեց՝ բացառելու համար սուպեր լիդերությունը․ Պապիկյան Այսօրվա համագումարը ՔՊ-ի դատարկախոսության THE BEST-ն էր. Աշոտյան Սուրեն Պապիկյանն ընտրվեց ՔՊ վարչության նախագահ Սասուն Միքայելյանը պարտվեց Էդուարդ Աղաջանյանից Իջեւանի քաղաքապետը ներխուժել է քաղաքացու սեփական տարածք և հարձակվել կնոջ վրա. ահազանգ Սենատոր Էլիզաբեթ Ուորենին խիստ մտահոգում է Իրանի հետ հնարավոր պատերազմը Ճապոնական քաղաքը ցանկանում է դառնալ լիովին «անթափոն» 2020 թվականին Ախուրյան-Բասեն ճանապարհին «Mercedes»-ը դուրս է եկել երթևեկելի հատվածից և կողաշրջվել․ կա տուժած «Մեր երկրի իշխող ղեկավարը և իր թիմն անգաղափար քաղաքացիների կուսակցություն են» Իրանը կներկայացնի միջուկային գործարքի շրջանակում պարտավորությունների կրճատման գծով զեկույց Վաղվանից ազդարարում ենք փողոցային պայքարի մեկնարկը Կյանքից հեռացել է ՀՀ վաստակավոր արտիստ, բալետի պարուսույց Նադեժդա Դավթյանը Անձնագրային ծառայություններում գործում է մեկ պատուհանի սկզբունքը. Մնացական Բիչախչյան ՀՀ ԱԻՆ-ը հորդորում է չայցելել «Սատանի կամուրջ» կոչվող գոտի Այս դերասանին պետք չեն հատուկ էֆեկտներ հրեշների մարմնավորելու համար (ֆոտոշարք) ԵՄ-ն իրականացնելու է ՀՀ հյուսիսային երեք մարզերում 13 մլն եվրո արժողությամբ ծրագիր Նիկոլ Փաշինյանն ու Սամվել Կարապետյանը հանդիպել են (տեսանյութ)
website by Sargssyan