«Քա­նի դեռ գե­րիշ­խում է այն մո­տե­ցու­մը, որ հե­ղա­փո­խու­թյա­նը մաս­նակ­ցած­նե­րից ազատ­վել չի կա­րե­լի, «սե­լեկ­ցիա» չի լի­նի». «Փաստ»

«Փաստ» օրաթերթը գրում է.

«Փաստի» հյուրն է քաղաքագետ Սարո Սարոյանը:

-Պարո՛ն Սարոյան, կառավարման հին համակարգի բացառման ու նորի կառուցման ջրբաժանում նոր իշխանություններն այս մեկ տարվա ընթացքում որքանո՞վ հաջողեցին

-Միանշանակ չի կարելի է ասել, որ հաջողել են, և միանշանակ չի կարելի ասել, որ չեն հաջողել: Խնդիրն այն է, որ նախկին մտածողությամբ ու կառավարման նախկին փորձն ունեցող մարդկանց ներգրավմամբ նոր խնդիրներ դնելն ու լուծելը շատ դժվար է: Հայտարարվում է, որ օրենքի և իրավունքի հիման վրա պետք է խնդիրները լուծվեն, բայց նույն կադրային համակարգով նոր մոտեցումներով առաջնորդվելը դժվար է: Մենք այս պահին կարող ենք միայն արձանագրել, որ փոխակերպումը հարթ չի ընթանում:

- Պետական ինստիտուտների արդյունավետ կառավարման առումով ի՞նչ խնդիրներ եք առանձնացնում:

-Կան առանձին օղակներ, որոնք վատ չեն գործում, և դրական տեղաշարժ կա: Առանձին պաշտոնյաներ խնդիրները կարողանում են դնել ոչ թե հայտարարությունների, խոսքերի, այլ գործնական մակարդակում և լուծել դրանք: Միաժամանակ, տեսանք առանձին պաշտոնյաների, որոնք չէին կարողանում ոչինչ անել և մեծ հաճույքով ու վազելով գնացին ու պատգամավոր դարձան: Կան ոլորտներ, որտեղ վիճակը շատ վատ է, կան մարզպետներ, որոնք շատ վատ են աշխատում, և ակնհայտ է, որ իրենց պաշտոնին չեն: Կան նախարարություններ, որոնցում վերափոխումների դրական միտումը դանդաղ է: Մենք, մեծ հաշվով, ինչ-որ առումով անցումային փուլում ենք, որովհետև կառավարության նոր կառուցվածքի փոփոխությունն անգամ շատ խնդիրների առաջ է կանգնեցնում: Մենք դեռևս անցումային փուլը չենք անցել և շատ դեպքերում շարունակում ենք տեղում դոփել, և երբ վերջնականապես կձևավորվի առաջիկա տարիների պետական կառավարման համակարգը, մենք այդ պատկերն այլևս չենք ունենա: Ընդհանուր առմամբ, անձնական նախաձեռնությունների գործոնը շատ կարևոր է և ամենակարևորն այն է, որ ազատ «սելեկցիա» լինի, ինչը, մեծ հաշվով, չկա: Նույն ղեկավարով ու կողքից այլ մարդկանց, օրինակ՝ խորհրդականների, վարչության պետերի օժանդակությամբ ինչ-որ խնդիրներ են փորձում լուծել, ինչը տվյալ ոլոր1տի ղեկավարի ոչ նորմալ մասնագիտական վիճակի մասին է վկայում: Պետք է հասկանալ, որ նշվածը դանդաղեցնում է պետական համակարգի արդյունավետության թափանիվը: Այդ պատճառով ղեկավարները պետք է փոխվեն: Ինչ-որ առումով «սելեկցիա» կատարվեց, երբ առանձին պաշտոնյաներ գնացին ԱԺ, բայց դրանից դուրս այլ «սելեկցիա» չի կատարվում: Չի բացառվում, որ կառավարության կառուցվածքային փոփոխություններից հետո «սելեկցիա» կլինի, բայց դա ամենևին չպետք է արվի հանգամանքների բերումով, այլ պետք է իրականացվի վերադասի նախաձեռնողականությամբ: Քանի դեռ շարունակում է գերիշխել այն մոտեցումը, որ հեղափոխությանը մասնակցածներից ազատվել չի կարելի, «սելեկցիա» չի լինի: 

-Դուք նշեցիք հեղափոխությունից ու հեղափոխական էյֆորիայի գործոնից հեռանալու անհրաժեշտության մասին, բայց զուգահեռ մենք չենք կարողանում դուրս գալ նաև հեղափոխական-հակահեղափոխական հավերժ թվացող բաժանումից: Ի՞նչ ցուցիչ է սա:

-Հեղափոխություն-հակահեղափոխություն հակադրությունն ինչ-որ առումով պետական կառավարման համակարգի սխալ աշխատանքի արդյունքն է: Եթե գործընթացները նորմալ հունով են ընթանում, երկու ճամբարների ի հայտ գալու կարիքը չքանում է: Հիմա, երբ ինչոր օղակներ թերանում են, միանգամից այդ խնդիրն է ի հայտ գալիս, ինչը նպաստավոր հանգամանք է երկու կողմերի՝ պայմանական ասած՝ հեղափոխականների և հակահեղափոխականների համար: Վերջինների դեպքում ինքնադրսևորման դաշտ է բացվում, իսկ հեղափոխականները, քանի որ պետական կառավարման մեջ սխալներ ու վիրիպումներ են թույլ տվել, օգտվելով, որ հակահեղափոխականները գլուխ են բարձրացնում, ամբողջ սլաքներն այդ դաշտ են տանում: Արդյունքում այդ ամենը վերածվում է քաղաքական գործընթացի և ստանում քաղաքական երանգներ. յուրաքանչյուրը փորձում է օգտվել այդ իրավիճակից: Եթե ամեն ինչ նորմալ լինի, հեղափոխականի ու հակահեղափոխականի խնդիր չի կարող ծագել: Եթե ինչ-որ բռնկում է լինում, նշանակում է՝ ինչ-որ օղակ թերացել է: Եվ խնդիրն այն է, որ չեն նայում, թե որ օղակն է թերացել, այլ միանգամից քաղաքական տրամաբանությամբ են շարժվում: Բայց այս առումով բոլորս պետք է հասկանանք հետևյալը. իհարկե, նախկիններին պետք է ցույց տալ, որ իրենք նախկինում նորերի մասով մատնանշված խնդիրների առումով հազարապատիկ վնաս են բերել: Բայց դրա հետ մեկտեղ ներկա վարչակազմին էլ պետք է ցույց տալ, որ նման բարձրաձայնումներն իրենց սխալ աշխատանքի ու թերացման արդյունքն են: Պետք է ասել՝ դուք էլ պետք է շտկեք, ինքնախոստովանանքով հանդես գաք, հանրությանը հաշվետու լինեք, և դուք եք հիմքեր տվել, ինչից նախկինները փորձում են օգտվել:

-Բայց ձեր նշածի փոխարեն հաճախ միայն արդարացումներ են հնչում:

-Դա արդեն մշակույթի խնդիր է: Կա՛մ պետք է միանգամից արդարանան, կա՛մ քննադատությունը սվիններով ընդունեն: Մեզ մոտ չկա այն մշակույթը, ըստ որի՝ կընդունեն, որ սխալվել են: Շատ ավելի նորմալ է, որ ընդունեն սխալը և գնան դրա լուծմանը, քան կեղծեն կամ այլ հիմքեր փնտրեն:

Մանրամասները՝ «Փաստ» օրաթերթի այսօրվա համարում

 

 

Բագրատաշենի մաքսակետում աննկարագրելի հերթեր են, նման աշխատելաոճն անթույլատրելի է. ԼՀԿ պատգամավոր (լուսանկարներ) Մադինա գյուղով անցնող գետում քաղաքացի է ջրահեղձվել Գավառում 18-ամյա աղջիկը ժավելի սպիրտ է խմել Պորտուգալիայում անտառային հրդեհներ են. տարերքի դեմ պայքարել է շուրջ 2 000 հրշեժ Արմեն Սարգսյանը հյուրընկալվել է Գուգարաց թեմում և «Ծիծեռնակ» ճամբարում Նիգերիայում առեւանգել են ազգությամբ թուրք չորս տղամարդու Սպասվում է առանց տեղումների եղանակ. Առաջիկա 5 օրերի կանխատեսում ԶԼՄ-ները հաղորդել են Թուրքմենստանի նախագահի մահվան լուրը. դեսպանատունը հերքել է այդ տեղեկատվությունը Այսօր մահացած զինծառայողը Երեւանից էր, տան միակ երեխան Ախալցխայի Սուրբ Գրիգոր Լուսավորիչ հայկական եկեղեցուց գողացել են խաչեր, սրբապատկերներ եւ փող Մահացել է ՀՀ կապի նախկին նախարար Ռոբերտ Ավոյանը Պարտադիր ժամկետային զինծառայողի մահվան դեպքով հարուցվել է քրգործ. ՔԿ Ընտանեկան նպաստների նոր համակարգի գլխավոր սկզբունքներից մեկը լինելու է աշխատանքի մոտիվացիան. Վարչապետի խորհրդական Հրդեհներ՝ հանրապետության տարբեր տարածքներում Ի՞նչն է հանդիսացել Ստյոպա Սաֆարյանի մեքենայի վթարի պատճառ Սամցխե-Ջավախքի Կարծախ գյուղում նշվել է Ջիվանու օրը Արմավիրում սկեսուրը ծեծել է հղի հարսին Զարեհ Սինանյանը հանդիպեց ՀՅԴ Հայ Դատի մոսկովյան հանձնախմբի ներկայացուցիչների հետ ՀՀ օրենսդրության մեջ ներդրվում են «մայնինգ», «կրիպտոարժույթ», «բլոկչեյն» եզրույթները Հենրիխ Մխիթարյան․ Լավ խաղ «Ֆիորենտինայի» դեմ (ֆոտո)
website by Sargssyan