Դժգո­հու­թյուն­նե­րը գնա­լով խո­րա­նում են

iz.ru –ն «Կանխատեսում տարվա համար. Հայաստանում նշում են «թավշյա հեղափոխության» տարեդարձը: Ի՞նչ է հաջողվել և ի՞նչ չի հաջողվել կատարել Փաշինյանի թիմին» վերնագրով հոդվածում գրում է. «Վրաններ Երևանի կենտրոնում, բազմահազարանոց հանրահավաքներ, ոստիկանների հետ բախումներ. մեկ տարի առաջ Հայաստանում տեղի ունեցած բողոքի ակցիաները հանգեցրին իշխանափոխության: Ընդդիմության առաջնորդ Նիկոլ Փաշինյանի կողմնակիցները ձևավորեցին կառավարություն, իսկ հետո հաղթեցին խորհրդարանական ընտրություններում: Այսպիսով, ներկայումս նրանց ձեռքում է կենտրոնացած ամբողջ իշխանությունը: «Իզվեստիան» փորձել է հասկանալ, թե ի՞նչ է փոխվել կովկասյան այս հանրապետության կյանքում անցած մեկ տարվա ընթացքում, ինչ տրամադրություններ են ներկայումս՝ փողոցային առճակատման տարեդարձին: Հայաստանում իշխանափոխությունն ինքնին դարձավ Փաշինյանի գլխավոր ձեռքբերումներից մեկը: Հանրապետությունում միշտ էլ բողոքի ակցիաներ եղել են, և յուրաքանչյուր ընտրություն ուղեկցվել է փողոցային գործողություններով: Բայց առաջին անգամ դրանք հաջողություն ունեցան: Այն, որ հեղափոխականները քաղաքական պայքարի հարցում հաջողության հասան, փաստ է, բայց դժվար է խոսել այլ նվաճումների մասին: Կոռուպցիայի դեմ Փաշինյանի սկսած պայքարը համեմատաբար հաջողվածներից է համարվում: 2018 թվականի վերջում բյուրոկրատական չարաշահումների դեպքերի մասով պետական բյուջեի փոխհատուցումները մոտ 15 անգամ ավելացել են: Վերադարձի ծավալը կազմել է մոտ 5 մլրդ դրամ (մոտավորապես 10 մլն դոլար): Տպավորիչ է չարաշահման մեջ կասկածվող բարձրաստիճան քաղաքացիական ծառայողների ցանկը. բնապահպանության նախկին նախարար, նախկին ոստիկանապետ, դատական ակտերի հարկադիր կատարման ծառայության նախկին պետ, տրանսպորտի, կապի և տեղեկատվական տեխնոլոգիաների նախկին նախարար և այլն: Այնուամենայնիվ, շատերը նշում են, որ կոռուպցիայի դեմ պայքարը նման է նախկին կառավարության ներկայացուցիչների հետ հաշվեհարդարի: Սակայն պետք է նշել, որ վարույթները երբեմն կապված են ներկայիս պաշտոնյաների հետ: Օրինակ, ապրիլին Հայաստանի ազգային անվտանգության ծառայությունը (ԱԱԾ) մեղադրանք է ներկայացրել Հայաստանի պետական վերահսկողության ծառայության ղեկավար Դավիթ Սանասարյանին, իսկ մարտին՝ առողջապահության նախարարի տեղակալ Արսեն Դավթյանը ձերբակալվել է կաշառք ստանալու կասկածանքով: Նոր կառավարության մեկ այլ նվաճում է Հայաստանի և Ադրբեջանի միջև շփման գոտում հարաբերական անդորրի հաստատումը: Դրան նպաստել է անցյալ տարվա սեպտեմբերին Դուշանբեում կայացած ԱՊՀ գագաթաժողովում Նիկոլ Փաշինյանի և Իլհամ Ալիևի անձնական զրույցը: Դրանից հետո երկու երկրների ղեկավարները հանդիպել են Սանկտ Պետերբուրգում, Դավոսում և Վիեննայում: Այնուամենայնիվ, հակամարտության գոտում լիակատար խաղաղություն առայժմ չկա՝ ժամանակ առ ժամանակ լինում են վիրավորներ և զոհեր: Ըստ Փաշինյանի, Հայաստանը կիսով չափ պատերազմի մեջ է: Հայաստանում նաև հիասթափության բազմաթիվ պատճառներ կան: Հիմնական պատճառներից մեկը սոցիալ-տնտեսական ոլորտում առաջընթացի բացակայությունն է, իսկ խնդիրներն են աղքատությունը, գործազրկությունը, ցածր սոցիալական ապահովվածությունը և այլն՝ հենց այն ամենը, ինչը հանգեցրեց «թավշյա հեղափոխության»: Այս համակարգային խնդիրների լուծումը դեռևս հաջողված չէ, և անգամ տեսանելի բարելավումներ չեն արձանագրվել: Տնտեսական խնդիրների սրության մասին են խոսում թվերը: Հայաստանում գործազրկությունը մնում է բարձր մակարդակի վրա, այս ցուցանիշը հանրապետությունում հասնում է 20,4% -ի, իսկ հարևան Վրաստանում այն 12,7% է, Ադրբեջանում` 5%: Հայաստանը նաև տարածաշրջանային առաջատարն է աղքատության առումով` 29,4%, իսկ Վրաստանում այն 21% է, Ադրբեջանում՝ 5%: Հայաստանում արտասահմանյան ներդրումների ծավալը 2018 թվականին հասել է միայն 254 միլիոն դոլարի, միևնույն ժամանակ Վրաստանում այն եղել է 1,2 միլիարդ դոլար, իսկ Ադրբեջանում՝ 2,9 միլիարդ դոլար: Այս ամենից բացի, աճում է արտաքին պարտքի մասնաբաժինը: Ըստ կանխատեսումների, 2019 թվականին Հայաստանը 490 մլն դոլար վարկ կվերցնի, իսկ արտաքին պարտքի ընդհանուր գումարը կկազմի 7 մլրդ դոլար: Ռեկորդային ցուցանիշների է հասել նաև ֆիզիկական անձանց կողմից Հայաստանից կապիտալի դուրս բերումը: Բնակչության շրջանում շատ դժգոհություններ կապված են նաև վարչապետի կադրային քաղաքականության հետ: Դիտորդները նոր կառավարությանը մեղադրում են անհետևողականության մեջ. որոշ փորձառու պաշտոնյաներ կորցրել են իրենց պաշտոնները, քանի որ նրանք աշխատում էին նախորդ թիմում: Մյուս կողմից, բավականին նոր պաշտոնյաներ ընդհանրապես կառավարման որևէ փորձ չունեն: Օրինակ, Երևանում երաժշտական ակումբներից մեկի հիմնադիր, դիջեյ Էդուարդ Աղաջանյանը, հանդիսանալով Փաշինյանի երկարամյա կողմնակից, դարձել է վարչապետի աշխատակազմի ղեկավար: Ցանկը կարելի է շարունակել: Արդյունքում, ժողովրդի հեղափոխական ոգեշնչումը ներկայումս փոխարինվել է զգուշավորությամբ: Երկրի շատ քաղաքացիներ նշում են, որ չեն զգացել հեղափոխության բերած փոփոխությունները: Փորձագետները կարծում են, որ ապագայում ներկայիս կառավարությանը դժվար կլինի պահպանել բարձր աջակցություն: «Իզվեստիային» տված հարցազրույցում քաղաքական մեկնաբան Հայկ Խալաթյանը նշել է, որ վերջերս նկատվում է Փաշինյանի վարկանիշի որոշակի անկում. իհարկե ԶԼՄ-ներում բացասականության հոսքը, ըստ էության, չի դադարել, քանի որ այնտեղ նախկին իշխանությունների դիրքերն ուժեղ են, բայց հիմա ավելի ու ավելի շատ քննադատական հրապարակումներ ու մեկնաբանություններ են հայտնվում նաև սոցիալական ցանցերում: Ըստ փորձագետի, ավելի շուտ խոսքը Փաշինյանի շրջապատի մասին է, բայց կան նաև վարչապետին վերաբերող քննադատական նկատառումներ: Ըստ նրա, եթե մոտ ապագայում իրական կյանքի փոփոխություններ չլինեն, ապա դժգոհությունները կխորանան:

Կամո Խաչիկյան

 

Բագրատաշենի մաքսակետում աննկարագրելի հերթեր են, նման աշխատելաոճն անթույլատրելի է. ԼՀԿ պատգամավոր (լուսանկարներ) Մադինա գյուղով անցնող գետում քաղաքացի է ջրահեղձվել Գավառում 18-ամյա աղջիկը ժավելի սպիրտ է խմել Պորտուգալիայում անտառային հրդեհներ են. տարերքի դեմ պայքարել է շուրջ 2 000 հրշեժ Արմեն Սարգսյանը հյուրընկալվել է Գուգարաց թեմում և «Ծիծեռնակ» ճամբարում Նիգերիայում առեւանգել են ազգությամբ թուրք չորս տղամարդու Սպասվում է առանց տեղումների եղանակ. Առաջիկա 5 օրերի կանխատեսում ԶԼՄ-ները հաղորդել են Թուրքմենստանի նախագահի մահվան լուրը. դեսպանատունը հերքել է այդ տեղեկատվությունը Այսօր մահացած զինծառայողը Երեւանից էր, տան միակ երեխան Ախալցխայի Սուրբ Գրիգոր Լուսավորիչ հայկական եկեղեցուց գողացել են խաչեր, սրբապատկերներ եւ փող Մահացել է ՀՀ կապի նախկին նախարար Ռոբերտ Ավոյանը Պարտադիր ժամկետային զինծառայողի մահվան դեպքով հարուցվել է քրգործ. ՔԿ Ընտանեկան նպաստների նոր համակարգի գլխավոր սկզբունքներից մեկը լինելու է աշխատանքի մոտիվացիան. Վարչապետի խորհրդական Հրդեհներ՝ հանրապետության տարբեր տարածքներում Ի՞նչն է հանդիսացել Ստյոպա Սաֆարյանի մեքենայի վթարի պատճառ Սամցխե-Ջավախքի Կարծախ գյուղում նշվել է Ջիվանու օրը Արմավիրում սկեսուրը ծեծել է հղի հարսին Զարեհ Սինանյանը հանդիպեց ՀՅԴ Հայ Դատի մոսկովյան հանձնախմբի ներկայացուցիչների հետ ՀՀ օրենսդրության մեջ ներդրվում են «մայնինգ», «կրիպտոարժույթ», «բլոկչեյն» եզրույթները Հենրիխ Մխիթարյան․ Լավ խաղ «Ֆիորենտինայի» դեմ (ֆոտո)
website by Sargssyan