Հայկական այբուբենը՝ Զապորոժյեի հայկական եկեղեցու տարածքում (տեսանյութ) | Orer.am

Հայկական այբուբենը՝ Զապորոժյեի հայկական եկեղեցու տարածքում (տեսանյութ)

Ուկրաինայի Զապորոժյե քաղաքի հայկական եկեղեցու տարածքում մեկնարկել է հայկական այբուբենի տեղադրման աշխատանքների վերջնական փուլը։ Նախագիծն իրականացվում է Զապորոժյեի հայ համայնքի ջանքերով։ Գաղափարի հեղինակը համայնքի երիտասարդ ակտիվիստներից մեկն է։

Քանդակների ստեղծման, դրանց գաղափարի, ֆինանսավորման և այլ հարցերի շուրջ ԼՈւՐԵՐ.com-ը զրուցեց Զապորոժյեի Հայ համայնքի ղեկավար Արտաշես Սարգսյանի հետ։

-Պարո՛ն Սարգսյան, կպատմե՞ք քանդակների ստեղծման աշխատանքներից։ Ե՞րբ ծագեց գաղափարը և ո՞ւմ նախաձեռնությամբ սկսվեցին աշխատանքները։ 

-Նման ճարտարապետական ​​համալիրի կառուցման գաղափարը ծագել է դեռևս 2016 թ.-ին՝ Զապորոժյեի հայ համայնքի ակտիվ երիտասարդներից մեկի կողմից, նա դիմեց ինձ և առաջարկեց կազմակերպել այնպես, որ յուրաքանչյուր համայնքի ներկայացուցիչ պատրաստակամություն հայտնի ֆինանսավորել այբուբենից կառուցվող առնվազն մեկ տառ: Այդ ժամանակ ես որոշում կայացրի, որ ավելի լավ ու ճիշտ կլինի, եթե ֆինանսավորումը ես անեմ, որպես համայնքի ղեկավար: 

Մենք Զապորոժյեի ճարտարապետներին խնդրեցինք մեզ տրամադրել նախագծի էսքիզ: Հետո սկսվեց հետաքրքիր պատմությունը, երբ մենք մեկնարկում էինք աշխատանքները, մեզ մոտեցավ մի մահմեդական և առաջարկեց իր օգնությունն առանց եկամուտի:

Այնուհետև, աշխատանքային առաջին փուլում համագործակցեցինք Վրաստանի համայնքը ներկայացնող քարեգործների հետ, ովքեր իմանալով աշխատանքի նպատակի մասին, հրաժարվեցին գումար վերցնել։ Մենք, իհարկե, նրանց շնորհակալություն հայտնեցինք, բայց փաստն այն է, որ նրանք ամբողջ աշխատանքը կատարում էին մեծ նվիրվածությամբ: Արդեն երկրորդ փուլը՝ գրանիտների աշխատանքները, կատարում էին հայ վարպետները, իսկ շինարարական վերջին մասը արել են ուկրաինացի շինարարները: Ահա, այսպիսի միջազգային նախագիծ է ստացվել:

 -Ո՞րն է այն հիմնական գաղափարը, որի համար որոշվել է հայկական տառերն այդպես շքեղ քանդակներով ցուցադրել:

-Այս աշխատանքի հիմնական նպատակն է մեզանից հետք թողնել մեր համայնքում, որ մեր երեխաներն ու սերունդները չմոռանան իրենց լեզուն,արմատներն ու ավանդույթները:

-Հայապահպանմանը միտված նմանատիպ ծրագրեր հաճա՞խ եք իրականացնում։

-Նման նախագծի ստեղծումը առաջինը չէր, որ մենք կատարել ենք Զապորոժյեում: Մեր ուժերով քաղաքում արդեն ստեղծվել է Հայ Առաքելական եկեղեցի, որի տարածքում տեղադրված են խաչքարեր, նաև կիրակնօրյա հայկական դպրոց ենք բացել: Քաղաքի կենտրոնական այգիներում տնկվել է 2 ծառ՝ ի հիշատակ Եղեռնի զոհերին: Յուրաքանչյուր տարի մենք ծրագրում ենք կյանքի կոչել նոր նախագծեր, որոնք հայկական մշակույթի հետք կթողնեն բազմազգ ուկրաինական քաղաքում:

-Ե՞րբ կլինի քանդակների բացումը, և ո՞ր հասցեում է գտնվում, Հայաստանից հյուրեր սպասո՞ւմ եք:

-Համալիրի բացումը նախատեսվում է այս տարվա հոկտեմբերի վերջին, ք.Զապորոժյեի Հաղթանակի պողոտա 76 հասցեում գտնվող Հայ Առաքելական եկեղեցու տարածքում: Այն տեղի կունենա համայնքի ջերմ մթնոլորտում։ Չենք նախատեսում որևէ մեկին հրավիրել, բայց ավանդույթի համաձայն կգան մեր ընկերները, քաղաքի և տարածաշրջանի համայնքների ղեկավարները, ինչպես նաև ԶԼՄ-ները: Հուսով ենք, որ այս ճարտարապետական նախագիծը պատվավոր տեղ կզբաղեցնի մեր հարազատ քաղաքի տեսարժան վայրերի շարքում:

-Ի՞նչ կպատմեք Զապորոժյեի հայ համայնքի կյանքից, ինչպե՞ս եք անցկացնում հայկական տոները։ Արդյոք «հայկականը» մեծ տեղ ունի նրանց կյանքում։

-Զապորոժյեի հայ համայնքը կազմակերպում է տարբեր ազգային, մշակութային միջոցառումներ։ Օրինակ՝ Սուրբ Ծնունդ, Զատիկ, Վարդավառ․․․: Ամեն տարի տոնում ենք Հայաստանի Անկախության օրը, Հանրապետության օրը և Երևանի հիմնադրման օրը: Այդ օրերը հագեցած են լինում համերգային ծրագրերով, որին մասնակցում է  հայ տաղանդավոր երիտասարդությունը, իսկ նշելու գալիս է ամբողջ Հայ համայնքը:

Ամեն տարի մեր համայնքը կազմակերպում է միջոցառումներ՝ նվիրված Ցեղասպանության զոհերի, երկրաշարժի զոհերի հիշատակին (մոմավառություն, ծառատունկ և այլն): Անցյալ տարի Տարածաշրջանային արվեստի թանգարանում տեղի ունեցավ «Նռան ծաղիկներ» անվամբ հայ նկարիչների ստեղծագործությունների ցուցահանդեսը, որը լայնորեն տարածվեց ինչպես ուկրաինական, այնպես էլ հայկական լրատվամիջոցներում: Այս տարի Ուկրաինայի հայ համայնքի համանախագահ Վիլեն Շատվորյանի նախաձեռնությամբ նախատեսվում է կազմակերպել միջոցառում՝ նվիրված երկրաշարժի օրվան: Միջոցառման ընթացքում նախատեսվում է պարգևատրել և շնորհակալագրեր հանձնել այն մարդկանց, ովքեր ունեցել են մասնակցություն հայ ժողովրդին օգնելու և երկրաշարժից առաջացած խնդիրները լուծելու հարցում: 

Մեր կազմակերպությունը ուշադրություն է դարձնում նաև Զապորոժյեի սպորտային կյանքին։ Արդեն երրորդ տարին է, որ Զապորոժյեի հայ համայնքը կազմակերպում է Ուկրաինայի մանկական շախմատի առաջնություն, ծանրամարտի մրցաշար, ըմբշամարտի մրցաշար-կոխ և նաև օգնություն  ենք ցուցաբերում բռնցքամարտի մրցաշարեր կազմակերպելու մեջ:

Նաև վերջերս մեր համայնքը ունեցել է մասնակցություն համաշխարհային ֆլեշմոբում, պարել են ազգային պար՝ «Արի-Պարի-Քոչարի»:

 

loading...
ԱՄՆ-ն հարյուր միլիոնավոր դոլարների ռուսական ակտիվներ է արգելափակել Գործ ունենք տարբեր՝ անհամադրելի իրավիճակների հետ. Գլխավոր դատախազությունը պատասխանել է Շարմազանովի՝ Ռ. Քոչարյանի ու ՊՊԾ-ն գրավածների կալանավորման մասին հարցադրմանը Ոստիկանության 8 ծառայողներ առաջին սպայական ուսադիրներն են ստացել «Արսենալ»-ի ֆուտբոլիստները ցանկանում են խաղալ ոչ այնպես, ինչպես Վենգերի գլխավորությամբ. Մխիթարյան Թբիլիսում վթարի հետեւանքով տուժած ՀՀ քաղաքացիներից մեկը տեղափոխվել է Հայաստան Ասիական ինդեքսներն աճել են Շարունակվում է ՀՀ պաշտպանության նախարարի աշխատանքային այցը ՌԴ Քեշիշյանը հերքել է «Արմնյուզ»-ի վաճառքի մասին տարածված լուրերը Թմրամիջոց պահելու համար հետախուզվողը ներկայացել է ոստիկանություն «Փյունիկ»-ը հանդես է գալու նոր տարբերանշանով Սեյսմակայունության վարքականոններ ուսուցանող տագնապ-վարժանքին հետեւել է ԱԻՆ փոխնախարարը «Դիլիջան ազգային պարկ»-ում ապօրինի ծառահատումների գործով մեղադրանք է առաջադրվել 15 անձի ՀՀ ոստիկանությունը սկսել է ընտրողների ցուցակների ճշգրտումը Բարձրագույն դատական խորհրդի կողմից մշակվել է Հայաստանում արդարադատության արդյունավետության համալիր բարելավման հայեցակարգ Վարչապետն ընդունել է ապրիլյան պատերազմում զոհված զինծառայողների ընտանիքների անդամներին ՀՀ ԿԲ. Եվրոյի փոխարժեքն աճել է Ոստիկանությունն աշխատանքներ է տանում Միքայել Հարությունյանի նկատմամբ Ինտերպոլով հետախուզում իրականացնելու ուղղությամբ ՌԴ-ի նկատմամբ ցանկացած հավելյալ միջոցներ պետք է ձեռնարկի ԵՄ-ի խորհուրդը. Եվրահանձնաժողով ՄԱԳԱՏԷ-ն ԿԺԴՀ-ի միջուկազերծման նշաններ չի տեսնում. AFP Արա Բաբլոյանն ընդունել է Հայաստանում Շվեյցարիայի Համադաշնության դեսպանին
Ինչու՞ են ամուսնալուծվում կենդանակերպի նշանները Վայրի սեքսուալ Աննա Գրիգորյանը խաթարել է Երևանի փողոցների երթևեկությունը. լուսանկար, տեսանյութ Սիրո մեջ բախտավորներն` ըստ Կենդանակերպի նշանի Այս տղան 80․000 դոլար է ծախսել իդեալական հետույք և կուրծք ունենալու համար․ Դուք կապշեք, երբ տեսնեք, թե ինչի է նա նմանվել 10 բան, որ ցանկանում են կանանցից ԲՈԼՈՐ տղամարդիկ, սակայն չեն արտահայտվում 19-ամյա կույս աղջիկը պնդում է, որ ինքը հղիության 9-րդ ամսում է և լույս աշխարհ է բերելու փոքրիկ Հիսուսին․ Բժիշկները ուշքի... Ալեքսանդր Բաբասյանը տեղյա՞կ է, թե ինչպիսի տեսքով է իր կինը տնից դուրս գալիս (լուսանկար) Նա ձուն դրեց բաժակի մեջ և վրան Կոկա Կոլա ավելացրեց. դուք կապշեք, երբ տեսնեք, թե ինչ էր եղել ձվի հետ՝ մեկ տարի հետո Աշխարհի ամենագեղեցիկ հանցագործի դաջվածքը իրարանցում է առաջացրել «օրենքով գողերի» մեջ Թաքնված տեսախցիկը ֆիքսել է, թե ինչպես են վարվում ծերանոցների աշխատողները ծերերի հետ. նյարդերից թույլ մարդկանց մուտքն արգ...
website by Sargssyan