«Հայկական Մեսսի» կամ ինչպես լիբանանահայ երիտասարդը հայտնվեց ֆուտբոլասերների ուշադրության կենտրոնում

Արտաշես Կարապետյանը բնակվում է Լիբանանում: Իր աշխատանքային գործունեությունը սպորտի հետ կապ չունի, երկար տարիներ ներկայացնում է մասնավոր բիզնես ընկերություն, որը սարքավորումներ է մատակարարում հանրային սննդի կետերին:

Տարիներ առաջ հարազատների, ընկերների շրջանում սկսեցին խոսակցություններ այն մասին, որ Արտաշես Կարապետյանը նման է աշխարհահռչակ ֆուտբոլիստ, Արգենտինայի ֆուտբոլի ազգային թիմի ավագ, «Բարսելոնա»-ի հարձակվող Լիոնել Մեսսիին: Հետագայում, երբ Արտաշեսը որոշեց չսափրվել և արտաքին տեսքին նոր շունչ հաղորդել, այդ ժամանակ արդեն նա հայտնվեց ֆուտբոլասերների լայն շրջանի ուշադրության կենտրոնում:

«Տարօրինակ զգացողություններ էին, երբ ինձ կանչում էին Մեսսի անվամբ, հատկապես, երբ «Բարսելոնա»-ի կամ Արգենտինայի հավաքականի մարզաշապիկով էի: Մարդիկ մոտենում էին, ցանկանում են ինձ հետ նկարվել: Ինձ համար ուրախալի է, որ նմանեցնում են ոչ թե պարզապես ֆուտբոլիստի, այլ խաղացողի, ով պատմություն է կերտել»,- «Արմենպրես»-ի հետ զրույցում պատմում է Արտաշես Կարապետյանը:  

 

Մեսսիին նման լինելու իրողությունը փոխեց Արտաշեսի կյանքը: Արդեն վերջին մեկ տարվա ընթացքում Արտաշեսը լիբանանյան լրատվամիջոցների ուշադրության կենտրոնում է:  Նա պարբերաբար հրավերներ է ստանում մասնակցելու տարբեր միջոցառումների, հարցազրույցների, նկարահանումների:  Նա այս ընթացքում բազմաթիվ ընկերներ է ձեռք բերել, ընդլայնել ծանոթությունների, գործընկերների շրջանակը: Մեր այն հարցին, թե արդյոք Մեսսիին նման լինելու փաստին փորձում է կոմերցիոն շեշտադրումներ հաղորդել, Արտաշես Կարապետյանը նշեց, որ այս գործում ֆինանսներն իրեն ամենից քիչն են հետաքրքրում:

«Ես Մեսսիի կերպարով Լիբանանում մասնակցում եմ բավական շատ միջոցառումների: Ինձ առաջարկում են գումարներ, սակայն մերժում եմ: Այս ամենի մեջ ես իրականում կոմերցիոն նպատակ չեմ դնում, պարզապես մարդկանց ուրախություն եմ պատճառում»,-ասաց Արտաշեսը:

Արտաշեսն իր ընտանիքի անդամների հետ ֆուտբոլասերների շարքին է դասվում: Թեպետ ուշի ուշով հետևում են Ֆուտբոլի աշխարհի առաջնությանը, սակայն իրենց երկրպագած հավաքականները մեծ հաջողություններ չեն գրանցել: Ինքը երեխաների հետ երկրպագում է Հոլանդիայի, իսկ կինը՝ Իտալիայի հավաքականին: Արտաշեսը ոչ միայն ֆուտբոլասեր է, այլև ֆուտբոլ խաղացող: Շուրջ 5 տարի Լիբանանում Հոմենեթմեն ֆուտբոլային թիմի խաղացող է եղել:

 

Արտաշեսն առաջին անգամ է Հայաստանում, թեպետ կարճ ժամանակով է, սակայն ձգտում է շատ տեղերում լինել: Այցելությունների նախընտրելի վայրերի ցանկում Հայոց ցեղասպանության հուշահամալիրն է:

«Կոչ եմ անում բոլոր այն հայերին, ովքեր չեն եղել Հայաստանում, անպայման գալ»,-հավելեց Արտաշես Կարապետյանը, ում, հարցազրույցից հետո, հանգիստ չէին տալիս պատահական անցորդները: Լուսանկարվելու համար միշտ պատրաստ Արտաշեսը չէր մերժում ոչ ոքի:

Աննա Գզիրյան

 

loading...
ՀՀ Անկախության 27-ամյակի կապակցությամբ պաշտոնական ընունելություն է տեղի ունեցել Հալեպում ՀՀ Գլխավոր հյուպատոսությունում Յունիբանկը և FMO-ն կին ձեռներեցներին կհատկացնեն 10 մլն ԱՄՆ դոլարի վարկավորում ՀՀ ՊՆ պատվիրակությունը մասնակցել է Ռազմական սպորտի միջազգային խորհրդի եվրոպական համաժողովին ՀՀ վարչապետ Նիկոլ Փաշինյանը մասնակցել է ԱՄՆ նախագահ Դոնալդ Թրամփի կողմից տրված ընդունելությանը Արտակ Զեյնալյանը մասնակցել է «Վե՛րջ երեխաների հանդեպ բռնությանը» թեմայով համաժողովին Ազգային ժողովը լուծարելու քաղաքական հիմքերը Երևանի ավագանու ընտրությունները 2009-2018թթ-ին Դավիթ Անանյանը պաշտոնական հերքում է պահանջել զրպարտության համար և սուտ մատնության դեպքի հետ կապված հրավիրել իրավապահների ուշադրությունը Բակո Սահակյանը Արցախի ԱԺ-ում մասնակցել է օրենսդիր-գործադիր հարցուպատասխանին Գյումրու թիվ 1 արհեստագործական ուսումնարանում առերևույթ կոռուպցիոն չարաշահումների փաստեր են բացահայտվել. հարուցվել է քրեական գործ ՀՀ նախագահը հանդիպում է ունեցել ֆրանսիական մի շարք խոշոր ձեռնարկությունների ղեկավարների հետ ՄԱԿ-ի Ընդհանուր վեհաժողովի ընթացքում մեկնարկեց Փախստականների ինքնապահովման նախաձեռնությունը Աշոտ Հակոբյանն անցանկալի է համարել Հյուսիս-հարավ ծրագրի «Տրանշ 2»-ի աշխատանքների հետաձգումները Նոր ձևավորվող Հանրային խորհրդի 15 հոգանոց կազմն անցկացրել է առաջին աշխատանքային հանդիպումը «Հայաստանի մանուկներ» հիմնադրամը նոր նախագահ ունի Սարի թաղի դեպքերի վերաբերյալ քրեական գործով վարույթը ոչ թե կարճվել, այլ կասեցվել է. ՀՔԾ-ն պարզաբանում է ներկայացրել Հայկական կողմը Հայաստանի և Ադրբեջանի ղեկավարների հանդիպման նախապայմաններ չի դնում. Տիգրան Բալայան Շուշիում Սեդրիկ Մարտենին նվիրված ցայտաղբյուր է բացվել. պետնախարարն ընդունել է «ԷՍ-ՊԷ-ԷՖ-Ա» կազմակերպության պատվիրակությանը ՀՀ նախագահը ծննդյան տարեդարձի կապակցությամբ շնորհավորական ուղերձ է հղել Ուկրաինայի նախագահ Պյոտր Պորոշենկոյին Թուֆենկյան հիմնադրամը նշում է Արցախում գործունեության 15 ամյակը
website by Sargssyan