«Նաիրիտ»-ի վերագործարկմամբ հետաքրքրված ներդրողների թիմը մտադիր է աուդիտ իրականացնել գործարանում

«Եվրոպա-Ասիա բիզնես ֆինանսական կենտրոն» հոլդինգը մտադիր է «Նաիրիտ» գործարանում իրականացնել աուդիտ, հասկանալ գործարանը վերաբացելու հնարավորությունները: Երևանում լրագրողների հետ հանդիպմանն այս մասին տեղեկացրեց հոլդինգի նախագահ Աշոտ Գրիգորյանը՝ նշելով, որ այս աշխատանքների իրականացման համար իրենց կմիանան հայ մասնագետներ, ինչպես նաև Բուլղարիայում գործող երկու խոշոր կորպորացիաների ներկայացուցիչներ: «Մեր կարծիքով՝ եթե գործարանը շատ չի վնասվել, վեց ամսում հնարավոր կլինի ացետիլենային գիծը թողարկել: Թող վեց ամիս չլինի, ավելի երկար լինի: Քիչ ներդրումներով կարող ենք շատ արագ վերականգնել»,-ասաց Աշոտ Գրիգորյանը։ Նա հայտնեց, որ կառավարության հետ պայմանավորվածության գալուց և աուդիտ սկսելուց երկու ամիս հետո կտեղեկացնեն արդյունքների մասին:

Բացի այդ՝ ըստ նրա՝ իրենք Հայաստանում են հաջորդ ամիս կազմակերպելու բարձր մակարդակի ներդրողների ու քաղաքական գործիչների ժամանումը Հայաստան:

«Մեր այցի նպատակն է հուլիսի երկրորդ կեսին կազմակերպելու բարձր մակարդակի ներդրողների ու քաղաքական գործիչների ժամանումը Հայաստան Սլովակիայից ու Եվրամիությունից: Երկու օր է, ինչ այստեղ ենք և հասցրել ենք մասնակցել մի շարք հանդիպումների»,- ասաց Աշոտ Գրիգորյանը:

Ներդրողը նշեց, որ կառավարության անդամների, ինչպես նաև այլ բարձրաստիճան պաշտոնյաների հետ հանդիպումների ժամանակ ներկայացրել են իրենց ներդրումային ծրագրերն ու «ստացել կանաչ լույս բոլոր խնդիրների լուծման համար, այդ թվում՝ Նաիրիտն աշխատացնելու հետ կապված»: «Այսօր Հայաստանը հայտնվել է համաշխարհային մամուլի կիզակետում, եթե մի ժամանակ մեր այցեքարտը Արամ Խաչատրյանն էր, Շառլ Ազնավուրը, վերջին տարիներին մեր հիանալի ֆուտբոլիստ Հենրիխ Մխիթարյանը, ապա Հայաստանում իշխանափոխությունն այնպիսի աղմուկ բարձրացրեց, որ ես Լոնդոնում տաքսի եմ նստում, ասում եմ հայ եմ, գիտեն այստեղի իրադարձությունների ու վարչապետի մասին»,-ասաց բանախոսը՝  հավելելով, որ այս իրավիճակը պետք է ծառայեցնել շահավետ ծրագրերի իրագործմանը:

Մասնավորապես, ներդրողը կողմ է Հայաստանում արտադրությունների վերականգմանը, առաջին հերթին՝ քիմիական արդյունաբերության զարգացմանը: «Մենք ունենք հիանալի մասնագետներ, իսկ քիմիական արդյունաբերության քարշակը լինելու է Նաիրիտը»,-հավելեց Աշոտ Գրիգորյանը:

Բանախոսը հույս է կապում նաև ռազմաարդյունաբերության և տեղեկատվական տեխնոլոգիաների զարգացման հետ:

loading...
Նյու Յորքում կայացել է Նիկոլ Փաշինյանի և Հասան Ռոհանիի հանդիպումը Հայ հանդիսատեսն առաջին անգամ հնարավորություն կունենա անվճար դիտել չեխական և չեխոսլովական ֆիլմեր ԵՄ-ն իրավասու Է բիզնես վարել Իրանի հետ, չնայելով ԱՄՆ-ի քաղաքականությանը. Մոգերինի Արցախի կարգավիճակը և անվտանգությունը լինելու է Հայաստանի բացարձակ առաջնահերթությունը բանակցային գործընթացում. Նիկոլ Փաշինյան Նիկոլ Փաշինյանը վերահաստատել է՝ Հայաստանի արտաքին քաղաքականության օրակարգում չկան կտրուկ շրջադարձեր Զոհրաբ Մնացականյանը Մինսկի խմբի համանախագահների ուշադրությունը հրավիրել է Ադրբեջանի կողմից իրավիճակի լարման պարբերական փորձերի վրա Նիկոլ Փաշինյանը Աֆրիկյան միության կոմիտեի նախագահ Մուսա Ֆակիի հետ քննարկել են ՖՄԿ երևանյան գագաթաժողովի նախապատրաստման ընթացքը Մենք մտադիր չենք զարգացնել մեր հարաբերությունները մեկ գործընկերոջ հետ՝ մյուսի հաշվին. Փաշինյանը՝ ՄԱԿ-ում Որո՞նք են սահմանային լարվածության աճի հնարավոր պատճառները Սեպտեմբերի 26-ը Միջուկային զենքի վերացման պայքարի միջազգային օրն է ՀՀ վարչապետը մասնակցել է ՄԱԿ-ի Զարգացման ծրագրի կազմակերպած քննարկումներին Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ՀՀ ԱԳՆ ԱՄՆ-ը պատժամիջոցներ է կիրառելու 12 ռուսական ընկերությունների նկատմամբ Կանանց Եվրոպայի Մ-19 առաջնության ընտրական մրցաշարի խմբային փուլը կանցկացվի Երևանում «Dasaran.am» կրթական հարթակը հանդես է եկել նոր նախաձեռնությամբ ՀՀ սփյուռքի նախարարը և Եգիպտոսի վարչապետը կարևորել են սփյուռքի գերատեսչությունների միջև համագործակցության խորացումը ՀՀ հատուկ քննչական ծառայությունը մեղադրանք է առաջադրել Լևոն Երանոսյանին Չղջիկները կո՞ւյր են. պարզվում է՝ ոչ ՀՀ տարածքում կանցկացվի ՀՀ ԶՈՒ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն «Մենք դեռ որևէ մեկս «չէ» բառը չենք լսել պարոն Ծառուկյանից»
website by Sargssyan