Գրաբարից՝ էստոներեն. լույս է տեսել «Մատյան ողբերգության» պոեմի էստոներեն թարգմանված տարբերակը

Գրիգոր Նարեկացու «Մատյան ողբերգության» պոեմը  էստոներեն է թարգմանել էստոնացի ռեժիսոր, սցենարիստ Պեետեր Վոլկոնսկին: Նա նաև ռոք երաժիշտ է, դերասան և կոմպոզիտոր:

Լրագրողների հետ զրույցում Պեետեր Վոլկոնսկին նշեց, որ Նարեկացի առաջին անգամ կարդացել է ռուսերենով:

«Սկզբում, երբ արդեն սկսում էի թարգմանել՝ խնդրում էի, որպեսզի կարդան ինձ համար հենց հայերենով, որպեսզի լսեմ, թե ինչպես է հնչում այս ստեղծագործությունը: Ես երկար եմ մտածել, թե ինչպես թարգմանել այն, որպեսզի էստոնացի կարդացողը հասկանա, որ սա 10-րդ դարի պոեմ է: Ես հենց գրաբարից եմ թարգմանել գիրքը և այդ հարցում ինձ օգնել է Նորայր Պողոսյանը»,- ներկայացրեց իր աշխատանքը Վոլկոնսկին:

«Մատյան ողբերգության» պոեմի մի հատվածը թարգմանելու համար նրանից պահանջվել է 6 տարի:

ՀՀ մշակույթի նախարար Լիլիթ Մակունցը նշեց, որ շատ է կարևորում նմանատիպ իրադարձությունները:

«Շատ ուրախ եմ, որ այս գիրքն արդեն իսկ հասանելի կլինի նաև էստոներեն լեզվով: Շատ եմ ողջունում այս փաստը, քանի որ «Մատյան ողբերգության»-ը ոչ միայն հայ գրականության գոհարներից է, այլև համաշխարհային ժառանգության մաս է կազմում»,- նշեց Մակունցը:

Գիրքը երկու երկրների՝ Հայաստանի և Էստոնիայի հանրապետությունների մշակույթի նախարարությունների համագործակցության արդյունքն է: Մակունցն այդ կապակցությամբ ընդգծեց, որ Էստոնիայի մշակույթի նախարար Ինդրեկ Սաարիի հետ ծրագրել են, որպեսզի համատեղ այլ նախագծեր նույնպես իրագործեն:

Էստոնիայի Հանրապետության մշակույթի նախարար Ինդրեկ Սաարին ասաց, որ սա հիանալի նվեր է իրենց երկրի համար, քանի որ նրանք էլ են նշում իրենց երկրի 100-ամյակը:

«Մենք նման ստեղծագործություն, ինչպիսին է «Մատյան ողբերգության»-ը, չունենք, բայց կան գրքեր, որոնք նույնպես այսքան շատ են թարգմանվել»,- շեշտեց Ինդրեկ Սաարին:

Հայ միջնադարյան հոգևորական, քրիստոնյա աստվածաբան, միստիկ բանաստեղծ, երաժիշտ և փիլիսոփա Գրիգոր Նարեկացու «Մատյան ողբերգության» պոեմը, որը հայտնի է նաև «Նարեկ» անվանմամբ ամբողջական կամ մասնակի՝ թարգմանվել է աշխարհի շուրջ 30 լեզվով։

Պոեմը բաղկացած է 95 գլխից։ Ժանրային առումով այն քնարական–հոգևոր է։ Հայտնի չէ, թե քանի տարի է գրվել պոեմը, սակայն Գրիգոր Նարեկացին այն ավարտին է հասցրել մահվանից մեկ տարի առաջ՝ 1002 թվականին։ «Մատյան ողբերգության»-ը գրաբարից աշխարհաբարի է վերածել արձակագիր, թարգմանիչ Մկրտիչ Խերանյանը։ Հայ գրականության մեջ բազմաթիվ են աշխարհաբար թարգմանությունները։ Վազգեն Գևորգյանը թարգմանել է պոեմի ծաղկաքաղը։

loading...
Նյու Յորքում կայացել է Նիկոլ Փաշինյանի և Հասան Ռոհանիի հանդիպումը Հայ հանդիսատեսն առաջին անգամ հնարավորություն կունենա անվճար դիտել չեխական և չեխոսլովական ֆիլմեր ԵՄ-ն իրավասու Է բիզնես վարել Իրանի հետ, չնայելով ԱՄՆ-ի քաղաքականությանը. Մոգերինի Արցախի կարգավիճակը և անվտանգությունը լինելու է Հայաստանի բացարձակ առաջնահերթությունը բանակցային գործընթացում. Նիկոլ Փաշինյան Նիկոլ Փաշինյանը վերահաստատել է՝ Հայաստանի արտաքին քաղաքականության օրակարգում չկան կտրուկ շրջադարձեր Զոհրաբ Մնացականյանը Մինսկի խմբի համանախագահների ուշադրությունը հրավիրել է Ադրբեջանի կողմից իրավիճակի լարման պարբերական փորձերի վրա Նիկոլ Փաշինյանը Աֆրիկյան միության կոմիտեի նախագահ Մուսա Ֆակիի հետ քննարկել են ՖՄԿ երևանյան գագաթաժողովի նախապատրաստման ընթացքը Մենք մտադիր չենք զարգացնել մեր հարաբերությունները մեկ գործընկերոջ հետ՝ մյուսի հաշվին. Փաշինյանը՝ ՄԱԿ-ում Որո՞նք են սահմանային լարվածության աճի հնարավոր պատճառները Սեպտեմբերի 26-ը Միջուկային զենքի վերացման պայքարի միջազգային օրն է ՀՀ վարչապետը մասնակցել է ՄԱԿ-ի Զարգացման ծրագրի կազմակերպած քննարկումներին Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ՀՀ ԱԳՆ ԱՄՆ-ը պատժամիջոցներ է կիրառելու 12 ռուսական ընկերությունների նկատմամբ Կանանց Եվրոպայի Մ-19 առաջնության ընտրական մրցաշարի խմբային փուլը կանցկացվի Երևանում «Dasaran.am» կրթական հարթակը հանդես է եկել նոր նախաձեռնությամբ ՀՀ սփյուռքի նախարարը և Եգիպտոսի վարչապետը կարևորել են սփյուռքի գերատեսչությունների միջև համագործակցության խորացումը ՀՀ հատուկ քննչական ծառայությունը մեղադրանք է առաջադրել Լևոն Երանոսյանին Չղջիկները կո՞ւյր են. պարզվում է՝ ոչ ՀՀ տարածքում կանցկացվի ՀՀ ԶՈՒ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն «Մենք դեռ որևէ մեկս «չէ» բառը չենք լսել պարոն Ծառուկյանից»
website by Sargssyan